Soliq qo‘mitasi ko‘chmas mulk va avtotransport vositalarini ijaraga beruvchi jismoniy va yuridik shaxslar uchun ijara haqining eng kam stavkalari o‘zgarishini ma’lum qildi.
O‘zgartirishlar 25-dekabr kuni prezident tomonidan imzolangan 2024-yilgi davlat budjeti to‘g‘risidagi qonun bilan belgilangan.
Mazkur stavkalar ko‘chmas mulkdan tekin foydalanish shartnomalariga (yaqin qarindoshlar o‘rtasidagi shartnomalardan tashqari) ham tatbiq etiladi.
Belgilangan stavkalarning minimal miqdorlari quyidagi jadvalda ko‘rsatilgan:
| Ijaraga beriladigan mol-mulk turi | Belgilangan stavka miqdorini tavsiflovchi ko‘rsatkich | Oylik ijara to‘lovi stavkalarining minimal miqdorlari, so‘mda (o‘zgarishlar) | ||
| Toshkent | Nukus, viloyat markazlari | boshqa aholi punktlari | ||
| 1. Binolar: | ||||
| turar joy | Umumiy maydonning 1 km.metri uchun | 25 000 (+47%) | 12 000 (+14,3%) | 5000 (+11,1%) |
| noturar joy | 40 000 (+14,3%) | 23 500 (+14,6%) | 10 000 (+20,5%) | |
| 2: Avtotransport | ||||
| yengil avtomobil (yo‘lovchilar, bagaj tashishga mo‘ljallangan hamda haydovchi o‘rnini hisoblamaganda, o‘rindiqlari soni 8tadan ko‘p bo‘lmagan avtomobillar) | 1ta avtomobil uchun | 780 000 (+12,2%) | ||
| mikroavtobuslar, avtobuslar va yuk avtomobillari | 1 550 000 (+12,7%) | |||
Avvalroq hukumat qarori bilan davlat mulkini ijaraga berish tartibi to‘g‘risidagi nizom tasdiqlangandi. Unga ko‘ra, davlat mulkini ijaraga berish jarayoni har qanday jismoniy va yuridik shaxs tashabbusi asosida boshlanishi mumkin.
