Markaziy bank Yangi yil munosabati bilan bayram va dam olish kunlarida filiallari ochiladigan banklar ro‘yxatini e’lon qildi.

Prezident qarori bilan, o‘zbekistonliklar Yangi yil bayramida to‘rt kun — 30-dekabrdan 2-yanvargacha dam olishi belgilangan. Shuningdek, besh kunlik ish haftasiga ega bo‘lgan xodimlar uchun 6-yanvardan dam olish kuni 2-yanvarga ko‘chirildi.

22ta bank filiallarida valyuta ayirboshlash va pul o‘tkazmalari shoxobchalari faoliyat yuritadi.

Biz quyidagi muassasalar haqida gapiramiz:

  • “Ipak yo‘li banki”;
  • “O‘zmilliybank”;
  • "Biznesni rivojlantirish banki";
  • “Agrobank”;
  • "Hamkorbank";
  • "Trastbank";
  • "Turonbank";
  • "Aloqabank";
  • "O‘zsanoatqurilishbank";
  • "Xalq banki";
  • “Asakabank”;
  • "Infin bank";
  • “Ipoteka bank”;
  • “Garant bank”;
  • “Mikrokreditbank”;
  • "Poytaxt bank";
  • “Saderat bank”;
  • “Asia Alliance bank”;
  • “Octobank” (sobiq “Ravnaq bank”);
  • “KDB Bank”;
  • “Universalbank”;
  • "Orient Finance Bank".

Regulyatorning qayd etishicha, konvertatsiya 24/7 rejimida ishlaydigan avtomatlashtirilgan valyuta ayirboshlash bankomatlari va banklarning mobil ilovalari orqali ham amalga oshiriladi.

Avvalroq Markaziy bank banklarning joylardagi muassasalari tomonidan mijozlar bilan ishlashishda belgilangan talablarga amal qilmaslik holatlari aniqlanganini ma’lum qilgandi.

"Spot.uz"da reklama