Germaniya Federal Konstitutsiyaviy sudi (FCC) milliarder Alisher Usmonovning yaxtasidagi tintuvlarga qarshi da’vosini ko‘rib chiqish uchun rasmiy asoslar yetarli emas deb hisobladi, deya xabar bermoqda “TACC” nashri.
Bu haqdagi qaror o‘tgan yilning 14-noyabrida qabul qilingan, biroq u 4-yanvarda e’lon qilingan.
“Federal Konstitutsiyaviy sud Senatning ikkinchi palatasi e’lon qilingan qaror bilan O‘zbekiston va Rossiya fuqarosi bo‘lgan arizachining yaxtani tintuv qilishga e’tiroz bildirgan konstitutsiyaviy shikoyatini ko‘rib chiqish uchun qabul qilmadi”, — deyiladi sud qarorida.
Aniqlik kiritilishicha, da’vogar tintuvlarni shaxsning asosiy huquqlarining buzilishi deb hisoblaydi.
Sud shikoyatni ko‘rib chiqish uchun qabul qilmaslik to‘g‘risidagi qarorini shikoyatlar, xususan, ommaviy axborot vositalarining ishi haqida bildirilganligi bilan asoslaydi, ammo ushbu kontekstda boshqa huquqiy himoya vositalari tugamaganligi aytiladi.
“Shunday qilib, ariza beruvchi ishni konstitutsiyaviy tekshirish mumkin bo‘lgan tarzda ko‘rib chiqish doirasida taqdim etishi kerak”, deyiladi xabarda.
Germaniya konstitutsiyaviy huquqiga ixtisoslashgan va O‘zbekiston manfaatlarini ifodalovchi “Gauweiler & Sauter” advokatlik firmasi o‘z navbatida sud qarorini hurmat qilishini, lekin bundan afsusda ekanini bildirdi.
“Federal Konstitutsiyaviy sud konstitutsiyaviy shikoyatni faqat protsessual sabablarga ko‘ra rad etdi”, deyiladi huqushunoslar bayonotida. Unda sud boshqa muhim savollarga javob berishdan qochganligi aniqlangan.
Usmonov 2023-yil avgustida Germaniya Federal Konstitutsiyaviy sudiga 2022-yil kuzida Bremen portida “Dilbar” superyaxtasida tintuv o‘tkazilgani munosabati bilan da’vo arizasi bilan murojaat qilgandi.
Milliarderning advokatlari Myunxen sudi tomonidan chiqarilgan tintuv ruxsatnomasiga e’tiroz bildirmoqda. Tintuvning o‘tkazilishi, da’voga ko‘ra, uy-joy daxlsizligi huquqini buzadi va Usmonovning insoniy qadr-qimmatiga tajovuz qiladi.
Advokatlarning ta’kidlashicha, Yevropa Ittifoqi tomonidan tadbirkorga nisbatan sanksiyalar qo‘llash uchun hech qanday asos yo‘q, Usmonov buzganlikda ayblanayotgan qonun bandi konstitutsiyaga ziddir.
Noyabr oyida Frankfurt-Mayn sudi o‘tgan yilning kuzida musodara qilingan hujjatlar va mol-mulkni “USM” xoldingi asoschisi Alisher Usmonovga qaytarishni buyurdi.
Germaniya sudi nemis prokuraturasining rossiyalik milliarderga qarshi tergov harakatlari doirasida musodara qilingan mol-mulkni ushlab turishini noqonuniy deb topgan.
Tadbirkor vakilining aniqlik kiritishicha, gap 2022-yil sentabr oyida Germaniya prokuraturasi va politsiyasi tomonidan Bavariyaning Rottax-Eggern shahrida, Gamburgdagi Dilbar yaxtasida va Usmonovning do‘sti oilasining kichkina kvartirasida o‘tkazilgan tintuvlar haqida bormoqda.
