Italiya ma’lumotlarni himoya qilish idorasi tomonidan “ChatGPT” sun’iy intellekt chat-botiga oid bir necha oylik tekshiruvdan so‘ng “OpenAI"ga Yevropa Ittifoqida maxfiylikni buzganlikda gumon qilinayotgani aytildi.
Agentlik “OpenAI"ga xabar yubordi va kompaniyaga ayblovlarga javob berish uchun 30 kun berdi.
Agar qoidabuzarliklar tasdiqlansa, bu 20 mln yevrogacha yoki global yillik aylanmaning 4%igacha jarimaga tortilishi mumkin.
Bundan tashqari, ma’lumotlarni himoya qilish organlari (DPA) ma’lumotlarni qayta ishlash usulini o‘zgartirishni talab qiluvchi buyruqlar berishi mumkin.
Shu sababli “OpenAI” o‘z amaliyotini o‘zgartirishga yoki Yevropa Ittifoqiga a’zo davlatlardan o‘z xizmatini olib tashlashga majbur bo‘lishi mumkin.
O‘tgan yili Italiya hukumati “ChatGPT” ma’lumotlarini mahalliy qayta ishlashni taqiqlashni buyurganida, OpenAI ning umumiy ma’lumotlarni himoya qilish qoidalariga (GDPR) muvofiqligi haqida xavotirda edi. Bu Italiya bozorida sun’iy intellekt chat-botining vaqtincha to‘xtatilishiga olib keldi.
“OpenAI"ga yuborilgan hujjatda “ChatGPT” asosidagi algoritmlarni o‘rgatish maqsadida shaxsiy ma’lumotlarni to‘plash va qayta ishlash uchun tegishli huquqiy bazaning yo‘q.
Shuningdek, sun’iy intellekt vositasining “gallyutsinatsiyalarga”, ya’ni odamlar haqida noto‘g‘ri ma’lumotlarni chiqarishga moyilligi ko‘rsatilgan.
Voyaga etmaganlarning xavfsizligi muammosiga ham alohida to‘xtalib o‘tildi.
Ta’kidlangan qoidabuzarliklarning ushbu uzoq ro‘yxati aniqlanganiga qaramay, “OpenAI” o‘tgan yili Italiyada “ChatGPT"ni nisbatan tez onlayn rejimiga qaytarishga muvaffaq bo‘ldi va DPA tomonidan ko‘tarilgan ba’zi xavotirlarni bartaraf etish choralarini ko‘rdi.
Biroq, Italiya regulyatori da’vo qilingan qonunbuzarliklarni tekshirishda davom etishini aytdi.
