“TikTok” videoxizmati platformada yangi funksiyani sinovdan o‘tkazmoqda, deya xabar berdi “Bloomberg” nashri.
Qayd etilishicha, bu foydalanuvchilarga videolaridagi mahsulotlarni darhol aniqlash va “TikTok Shop"dagi sahifalariga havolalarni taqdim etish imkonini beruvchi funksiya hisoblanadi.
Foydalanuvchilar ushbu xususiyatning birinchi sinovlari haqida 2023-yil sentabr oyida xabar berishdi.
Hozirda “TikTok Shop"da shunga o‘xshash mahsulotlarni topish” funksiyasi faqat AQShda va qisman Buyuk Britaniyada mavjud.
Ijodkorlar o‘z mahsulotlari uchun “TikTok"da maxsus tasdiqlash jarayonidan o‘tishlari, mahsulotlarning o‘zi esa “TikTok” do‘konida ro‘yxatga olinishi kerak.
Tovarlarni avtomatik identifikatsiyalash tufayli xizmatdagi elektron tijorat imkoniyatlari sezilarli darajada kengayadi.
“TikTok” 2024-yilning o‘zida AQShda sotuvlarni $17,5 mlrdgacha oshirmoqchi.
“TikTok” shuningdek, mualliflarni uzun gorizontal videolarni joylashtirishga undashni boshladi.
Platforma ko‘rsatmalari endi “TikTok” gorizontal videolarni chiqarilgandan keyingi dastlabki 72 soat ichida bir daqiqadan ko‘proq vaqt davomida targ‘ib qilishini ko‘rsatadi.
Avvalroq “Spot” “TikTok” video davomiyligini 15 daqiqagacha oshirmoqchi ekanligi haqida yozgandi.
Qayd etilishicha, platforma shu orqali “YouTube” auditoriyasini jalb qilishni rejalashtirmoqda.
