Rossiya Markaziy banki naqd pul yechib olish bo‘yicha cheklovni 2024-yil 9-sentabrgacha uzaytirdi. Bu haqda regulyator rasmiy saytida ma’lum qildi.
Cheklov 2022-yil 9-martgacha ochilgan valyuta hisobvarag‘idan yoki depozitdan $10 mingdan ko‘p bo‘lmagan yoki yevrodagi yechib olish mumkin bo‘lgan miqdorga saqlab qolinadi.
Regulyator bu qarorni Rossiya moliya institutlariga g‘arb davlatlarining naqd valyutasini sotib olishni taqiqlovchi sanksiyalar bilan izohladi.
Pulning qolgan qismini rublda olish mumkin — ular hisob ochmasdan va elektron hamyonlar orqali valyuta o‘tkazmalarini ham amalga oshiradilar.
Markaziy bank banklar uchun cheklovlarni ham kengaytirdi: hisobvaraqlar yoki depozitlardan valyuta chiqarishda komissiya undirish taqiqlanadi.
Norezident yuridik shaxslar yana olti oy davomida AQSh dollari, yevro, funt sterling va yapon iyenasida naqd pul ololmaydi.
Boshqa valyutalar uchun hech qanday cheklovlar yo‘q. Yuridik shaxslar rezidentlari ushbu valyutalarni naqd ko‘rinishda faqat xizmat safarlari uchun qonun hujjatlarida belgilangan me’yorlar asosida olishlari mumkin.
Rossiya Markaziy banki 2022-yil 10-martdan 10-sentabrga qadar rezident yuridik shaxslar va xususiy tadbirkorlarga o‘z hisobvaraqlaridan $5 mingdan ortiq miqdorda naqd valyuta (dollar, iyena, funt sterling, yevro) yechib olishga taqiq joriy qilgandi.
Agar tadbirkorga $5 mingdan ortiq mablag‘ zarur bo‘lgan taqdirda, tijorat banklarining regulyatorga murojaati bilan ushbu summa oshirilishi mumkin.
Xorijiy kompaniyalar va norezident tadbirkorlar esa 10-sentabrgacha hisobvaraqlar va omonatlardan naqd shaklda dollar, yevro, iyena yoki funt sterling ololmaydi.
Shuningdek, norezidentlar boshqa valyutalarni o‘z hisoblaridan bozor kursida cheklovlarsiz yechib olishlari mumkin.
24-fevral kuni Rossiya qo‘shinlarining Ukrainada “maxsus operatsiyasi” boshlanganidan so‘ng G‘arb davlatlari Rossiyadan kelgan kompaniyalarga nisbatan sanksiyalarni kengaytira boshladi. Bir qancha yirik banklar yangi cheklovlarga duch kelishdi.
O‘sha kundan buyon kamida 3 ta O‘zbekiston banki Rossiyadan pul o‘tkazmalari qisman yoki to‘liq to‘xtatilgani haqida xabar bergan. Birinchisi “Hamkorbank” bo‘ldi, 25-fevral kuni “Сбербанк Онлайн” orqali yuborilgan mablag‘larni qabul qilishni vaqtincha to‘xtadi. Keyinchalik o‘tkazmalar davom ettirildi.
28-fevral, dushanba kuni “Ipak yo‘li banki” ham o‘tkazmalar to‘xtatilishini maʼlum qildi. “Сбербанк Онлайн"dan tashqari, texnik sabablarga ko‘ra pul mablag‘larini yuborish va qabul qilish uchun Unistream orqali pul o‘tkazmalarini qayta ishlashni ham to‘xtatdi.
