“Spotify” striming xizmati platformaga musiqiy videolarni qo‘shdi. Bu haqda xizmat o‘zining rasmiy saytida ma’lum qildi.
Funksiya hozirda 11 mamlakatda “Spotify Premium” foydalanuvchilari uchun beta-versiyada va cheklangan videolar to‘plamida mavjud.
Hozirda servis Ed Sheeran, Doja Cat, Ice Spice, Aluna & Asake va boshqalarning qo‘shiqlariga videolarni taqdim etadi.
Kliplar Buyuk Britaniya, Germaniya, Italiya, Gollandiya, Polsha, Shvetsiya, Braziliya, Kolumbiya, Indoneziya, Keniya va Filippindagi “Spotify Premium” foydalanuvchilari uchun mavjud.
Funksiya iOS va Android’dagi mobil ilovalarda ham, veb-versiyasida ham, smart televizorlar uchun ilovalarida ishlaydi.
Iishlab chiquvchilarning fikriga ko‘ra, kelajakda katalogda minglab kliplar bo‘ladi.
Agar qo‘shiq nomi yonida “Videoga o‘tish” belgisi bo‘lsa, foydalanuvchilar qo‘shiq uchun videoni ko‘rishlari mumkin bo‘ladi.
Uni to‘liq ekran rejimida ko‘rish uchun qurilmangizni o‘girish, shuningdek, “Ovozga o‘tish” funksiyasi orqali orqaga qaytish mumkin.
2023-yil sentabr oyida “Spotify” podkastlar uchun avtomatik transkripsiya funksiyasini qo‘shishi haqida xabar berilgandi.
Tinglovchilar podkast transkriptini pleyerni pastga siljitish va o‘qish bo‘limini tanlash orqali ochishlari mumkin. Dekodlash foydalanuvchi to‘xtagan vaqtda ochiladi va audio bilan bir vaqtda aylanadi.
Kelajakda “Spotify” podkast transkriptlariga media fayllarni, masalan, muallif havola qilgan rasmlar qo‘shishga imkon beradi.
Kompaniyaning ma’lum qilishicha, transkriptlardan tashqari, tarkibiy jadvallar podkastlarda paydo bo‘ladi.
Mualliflar o‘z shoulariga qisqacha tavsiflar bilan vaqt kodlarini qo‘shishlari va tinglovchilar ular bo‘ylab harakat qilishlari mumkin.
Bungacha “Spotify” podkastlarni turli tillarga avtomatik tarjima qilish funksiyasini sinovdan o‘tkaza boshladi.
U “OpenAI"ning “Whisper” nutqni aniqlash tizimi tomonidan quvvatlanadi va muallifning ovozini saqlab qolish imkonini beradi.
