“Ferrari” kompaniysi AQShda sudga berildi, deya xabar berdi “Bloomberg” nashri.
Bunga sport avtomobillari ishlab chiqaruvchisining “hayot uchun xavfli” tormoz nosozligini tuzatmagani bo‘yicha ayblov da’vosi sabab bo‘lgan.
18-mart kuni San-Diego federal sudiga Kaliforniya fuqarosi Ilya Nechev tomonidan “Ferrari"ga qarshi jamoaviy da’vo arizasi berilgan.
Da’vo arizasida aytilishicha, “Ferrari” bir necha marta chaqirib olinganiga qaramay, ba’zi sport avtomobillarining tormoz tizimidagi “xavfli nuqson"ni haligacha tuzatmagan.
Da’vo muallifining so‘zlariga ko‘ra, bu chaqiruvlar “vaqtinchalik chora"dan boshqa narsa emas va natijada ko‘plab “Ferrari” avtomobillari haydovchilar uchun xavfli bo‘lib qolgan.
“Ferrari” yetkazib beruvchisi “Bosch” bu ish bo‘yicha hamjamiyat ishtirokchisi bo‘ladi.
Nechevning o‘zi 2020-yilda sotib olgan 2010-yilgi “Ferrari 458 Italia” sportkarining birinchi kundanoq tormoz tizimida muammolar borligini aytdi.
Uning so‘zlariga ko‘ra, bir kuni u katta tezlikda haydab ketib, burilish oldidan tezlikni pasaytirishga qaror qilgan va tormoz pedalini bosgan, biroq mashina tezligini pasaytirmagan.
Nechevning ta’kidlashicha, u voqea haqida “Ferrari” dileriga xabar berganida, unga bu oddiy muammo ekanligini aytishgan.
Da’vo kompaniyani mijozlarni “tormozning umumiy nosozligi” haqida xabardor qilmaganlikda ayblaydi.
Nechevning so‘zlariga ko‘ra, buni faqat tormoz asosiy silindrini almashtirish orqali tuzatish mumkin.
Avvalroq “Spot” “Disney” xodimlariga kam maosh to‘lagani uchun sudga berilgani haqida yozgandi.
Da’voda “Disneyland” mehmonxonasi ishchilariga qo‘shimcha ish haqi to‘lanmagani va ularga ish uchun zarur bo‘lgan asbob-uskunalar sotib olingan xarajatlar uchun kompensatsiya berilmagani aytiladi.
