iOS 18'da sun’iy intellekt bilan ta’minlangan birinchi funksiyalar bulutli serverlarga ulanishni talab qilmaydi, ular to‘g‘ridan-to‘g‘ri iPhone qurilmasida ishlaydi. Bu haqda “Bloomberg” jurnalisti Mark Gurman xabar berdi.
“Dunyo 10-iyun kuni boshlanadigan tadbir doirasida Apple’dan AI funksiyalari taqdimotini kutmoqda. Xususiyatlarning birinchi to‘lqini mahalliy va faqat qurilmada ishlaydi. Bu kompaniyaning yirik til modeli, yangi funksiyalarni quvvatlovchi dasturiy ta’minot bulutni qayta ishlash komponentiga ega bo‘lmasligini bildiradi”, — deyiladi Gurman bayonotida.
Jurnalistning ta’kidlashicha, “Apple” foydalanuvchilarga “Google Gemini” algoritmi yoki boshqa ishlab chiquvchilarning katta til modeli asosidagi ba’zi bulutli sun’iy intellekt funksiyalarini taklif qilishda davom etadi.
Ma’lumotlarga ko‘ra, “Apple” “Google”, “OpenAI” va “Baidu” bilan generativ neyron tarmoqlar sohasidapotensiall hamkorlik bo‘yicha muzokaralar olib borgan.
iOS 18 “Apple"ning sun’iy intellekt botini qo‘llab-quvvatlashni birlashtirishi kutilmayapti, biroq ishlab chiquvchilar bu bosqichda uning o‘rniga “Gemini” algoritmidan yoki ba’zi bir ekvivalentidan foydalanishi mumkin.
Kelajakda “Apple” o‘z dizaynidagi generativ neyron tarmoqlarga asoslangan funksiyalarni foydalanuvchilarga taqdim etishi ehtimoli yuqori.
Bu so‘nggi paytlarda kompaniya katta til modellarini o‘qitish uchun mo‘ljallangan serverlar va boshqa jihozlarni faol ravishda sotib olayotganidan dalolat beradi.
Ma’lumotlarga ko‘ra, turli xil mahsulotlarda, jumladan “Spotlight”, “Siri”, “Safari” va boshqalarda iOS 18 da bir nechta sun’iy intellekt funksiyalari debyut qilinadi.
Mark Gurman avvalroq generativ algoritmlar “Siri” ovozli yordamchisiga murakkab savollarga aniqroq va har tomonlama javob berishga imkon berishini yozgan edi.
Avvalroq “Spot” “Apple” smartfonlar savdosi bo‘yicha yetakchilikni “Samsung"ga boy bergani haqida yozgandi.
Yanvar-mart oylarida Apple 50,1 mln iPhone sotgan bo‘lsa, Samsung’da bu ko‘rsatkich 60,1 mln donani tashkil qilgan.
