“Yandex” “Neyro” deb nomlangan yangi xizmatni ishga tushirdi. Bu haqda kompaniya matbuot xizmati xabar berdi.
Qayd etilishicha, u qidiruv va yirik generativ modellarning imkoniyatlarini birlashtiradi.
Savolga javob berish uchun xizmat qidiruv natijalaridan manbalarni mustaqil tanlaydi va tahlil qiladi.
“„Neyro“ „YandexGPT 3“ oilasining qidiruv imkoniyatlari va generativ til modelini birlashtiradi”, deyiladi “Yandex” xabarida.
Xizmat foydalanuvchi so‘rovini qayta ishlash uchun neyron tarmoqlari va “YandexGPT” modelidan foydalanadi va materiallarga havolalar bilan bitta qisqa xabar orqali javob beradi.
“Neyro” faktlarni model xotirasidan emas, balki Internetdagi manbalardan oladi. Uning javoblarida bir necha soat oldin paydo bo‘lgan bo‘lsa ham, yangi va dolzarb ma’lumotlar mavjud bo‘ladi.
Xizmat “Yandex Alisa” ilovasida va “Yandex” brauzerida mavjud. Uni ishlatish uchun “Yandex"ga kirish va qidiruv paneli yonidagi almashtirish tugmachasini o‘zgartirish kerak.
Avvalroq “Spot” “Yandex” o‘zining “YandexGPT 3” neyron tarmog‘ini ishga tushirgani haqida yozgandi.
Neyron tarmoq murakkab so‘rovlar bilan yaxshiroq ishlaydi va biznesdagi IT-mahsulotlar muammolarini hal qilishda yordam beradi.
