Hafta yakuni: narxi oshayotgan elektr va gaz, dollarning rekord kursi hamda Binghamton universiteti doktoranti Ulug‘bek Ergashev hikoyasi

Thompson school asoschisi Shahzod Bahodirov tavsiya qilgan 5ta kitob

Yosh tadbirkor vaqtni to‘g‘ri taqsimlash, jamoada ishlash va rahbar bo‘lishda e’tiborga olinadigan jihatlar hamda marketing yuritishga doir kitoblar tavsiyasini Spot bilan bo‘lishdi.

“Erkinlik puldan qimmatroq”: Pavel Durov Taker Karlsonga intervyu berdi

Telegram asoschisi platformaning betarafligi va mustaqillikni saqlab qolish istagini ta’kidladi.

Valyuta birjasidagi savdo jarayoni va tamoyillar, savdoning asosiy ishtirokchilari — valyuta birjasi qanday ishlaydi?

Valyuta birjasining Birja savdolari boshqarmasi boshlig‘i o‘rinbosari Yorqinjon Ibrohimov birja faoliyati, undagi savdo bozorlari, turlari va qatnashchilari hamda savdo jarayonlarida qanday ishtirok etish mumkinligi haqida Spot’ga so‘zlab berdi.

Niderlandiya universiteti stipendiya dasturiga arizalar qabul qilinmoqda

Qabul qilingan talabalarga 3 ming yevrodan 22 ming yevrogacha stipendiya beriladi.

Xorijda ta’lim: AQShning Binghamton universiteti doktoranti Ulug‘bek Ergashev hikoyasi

U Spot bilan suhbatda nima uchun AQShni tanlagani, o‘qishga hujjat topshirish ketma-ketligi, viza olish bosqichlari va talabalarga yaratilgan sharoitlar haqida so‘zlab berdi.

Haftaning asosiy yangiliklari

1. “Kelajakda o‘zimiz milliy avtomobil ishlab chiqara olamiz” — ADM Jizzakh zavodi rahbari Doniyor Davletyarov.
   Kompaniya bosh direktori, shuningdek, zavod avtomobil bozorining kamida 25%ini egallashga harakat qilayotganini qayd etdi.
2. 1-maydan elektr energiyasi va gaz uchun tariflar oshirilmoqda.
   Hukumat qarori bilan aholi uchun bir oylik elektr energiyasi va tabiiy gaz iste’molining bazaviy me’yorlari tasdiqlandi.
3. 2025-yilda elektr va gaz tariflari qanchaga oshiriladi?
   Kelasi yilning aprel oyidan jismoniy shaxslar uchun elektr energiyasi va gaz tariflarini oshirish rejalashtirilmoqda.
4. Mart oyida Toshkentda uy-joy narxlari qanday bo‘ldi?
   Poytaxtda ko‘chmas mulk bozori 20,7%ga pasayib, o‘rtacha ijara narxi 2,2%ga kamaydi.
5. 1-iyuldan yuridik shaxslar elektr va gaz uchun to‘lovlarni 100% oldindan amalga oshiradi.
   Elektr energiyasi va tabiiy gazdan noqonuniy foydalanish va talon-toroj qilganlik uchun belgilangan tariflarga nisbatan oshiruvchi koeffitsiyent qo‘llaniladi.
6. 1-maydan Uzum Market sotuvchilar uchun komissiyalarni hisoblash mexanikasini o‘zgartiradi.
   Bundan tashqari, marketpleys sotuvchilar uchun tovarlarni yetkazib berish uchun belgilangan logistika yig‘imini joriy etadi.
7. Dollar kursi yana rekord darajani qayd etdi.
   Amerika valyutasining so‘mga nisbatan kursi 2 so‘m 04 tiyinga oshib, 12697 so‘mni tashkil etdi.
8. SIM-kartani eSIMga o‘zgartirish bo‘yicha onlayn xizmat ishga tushdi.
   Undan Yagona portal orqali foydalanish mumkin. Xizmat narxi 20 ming so‘mni tashkil etadi.
9. Mart oyida avtomobil bozorida savdolar pasaydi.
   Surxondaryo, Farg‘ona va Navoiy viloyatlarida yengil avtomobillar bozorida savdo hajmining eng katta pasayish qayd etildi.
10. Apple Telegram’ni Xitoydagi App Store’dan o‘chirdi.
    Shuningdek, kompaniya WhatsApp va Threads kabi messenjerlarni ilovalar do‘konidan olib tashladi.