“WhatsApp"ning beta-versiyasida foydalanuvchilarni „Bluetooth“,"AirDrop”, “Nearby Share” va qurilmalar o‘rtasida fayllarni uzatishning boshqa usullari bilan almashtira oladigan yangi funksiya topildi. Variant “People Share” deb nomlanadi.
Bu funksiya yordamida foydalanuvchilar internetga ulanmasdan ham “WhatsApp” orqali fayllar, suratlar va videolarni o‘tkazishlari mumkin bo‘ladi.
Messenjerda “People Share” bo‘limini topib, funksiyani yoqish, “WhatsApp"ga mahalliy tarmoqlar, joylashuv va smartfon fayllariga kirishiga ruxsat berish kerak.
Ma’lumot uzatishda bir foydalanuvchi boshqasining telefon raqamini ko‘rmasligi haqida xabar berilgan.
Bundan tashqari, bir smartfondan ikkinchisiga o‘tkazishda barcha fayllar oxirigacha shifrlash bilan himoyalangan.
Sinovchilar yangilikni foydali deb bilishadi. “WhatsApp"dagi “People Share” qachon beta-versiyadan chiqishi va barcha foydalanuvchilar uchun ochiq bo‘lishi hali aniq emas. Xususiyat iOS va Android’da ishlashi kutilmoqda.
Avvalroq “Spot” “WhatsApp” real vaqt rejimida tasvir yaratish funksiyasini qo‘shgani haqida yozgandi.
Funksiya yordamida foydalanuvchilar real vaqt rejimida neyron tarmoqlardan foydalangan holda tasvirlarni yaratish imkoniyatiga ega bo‘ladi.
