“Google” Android 10 va 11 operatsion tizimlariga “Gemini” neyron tarmog‘ini qo‘llab-quvvatlashni qo‘shdi, deya xabar bermoqda “9to5Google” nashri.
Dastlab, “Gemini” chat-boti Android 12 va yangi OT versiyalarini qo‘llab-quvvatlaydigan qurilmalar uchun yaratilgan.
Ilovaning so‘nggi versiyasi eski qurilmalarda ishlash imkoniyatiga ega. Android 10 va 11 “Gemini build 1.0.626720042” tomonidan quvvatlanadi.
Shu bilan birga, “Google” texnik yordam veb-sayti hali ham operatsion tizimning kamida 12-versiyasi talabi haqida gapiradi.
Kamida 4 GB operativ xotiraga ega eski qurilmalar egalari neyron tarmoqni to‘g‘ridan-to‘g‘ri “Play Store” orqali yuklab olishlari mumkin, Rossiyada sun’iy intellekt modelidan foydalanish uchun VPN talab qilinmaydi.
Imkoniyatlar so‘nggi qurilmalarda chat-botdan foydalanishdan farq qilmaydi. Va yaqinda ishlab chiquvchilar Gemini-ning Android versiyasiga uzoq kutilgan xususiyatni qo‘shishga qaror qilishdi. Endi chat-bot real vaqtda javoblarni ishlab chiqaradi.
Avvalroq “Spot” “Google Assistant” ilovasi “Gemini” neyron tarmog‘iga almashtirilishi haqida yozgandi.
Gemini sun’iy intellekt modeli bo‘lib, matn, tasvir, video, audio va kodlarni tahlil qila oladi hamda qayta ishlaydi.
