“Google” video to‘xtatilganda “YouTube"da reklama ko‘rsatishni sinab ko‘rmoqda. Bu haqda “Dexert” nashri xabar berdi.
Hozirda ba’zi “YouTube” foydalanuvchilari pauza paytida reklamalarni ko‘rishadi. Tez orada u butun dunyo bo‘ylab tomoshabinlarda paydo bo‘lishi mumkin.
Bannerlar butun pleyerda ko‘rsatiladi, lekin “play” tugmasi bosilsa, reklama avtomatik ravishda yo‘qoladi, bu videoni tomosha qilishni davom ettirish imkonini beradi.
“2024-yilning birinchi choragida televizorlarda to‘xtatib qo‘yilgan reklama sinovi joriy etilganidan keyin biz katta e’tiborni tortdik. Bu foydalanuvchilar kontentni pauza qilganda paydo bo‘ladigan yangi doimiy reklama shaklidir. Dastlabki natijalar shuni ko‘rsatadiki, to‘xtatilgan reklama kuchli brendni ko‘taruvchi natijalar va e’tiborni keltirib chiqaradi”, dedi “Google” kompaniyasining katta vitse-prezidenti Filipp Shindler.
“Google” vakillari yangi turdagi reklama qachon barcha qurilmalarda paydo bo‘lishini aytishmadi.
Shu bilan birga, “Google” reklama blokerlari uchun “ov"ni boshladi. Agar foydalanuvchida reklamalarni ko‘rmaslikka imkon beruvchi brauzer kengaytmasi o‘rnatilgan bo‘lsa, avvaliga “YouTube” sekinlashdi.
Endi videoxosting, agar tomoshabin qurilmasiga bunday bloker o‘rnatilgan bo‘lsa, umuman ishlashni rad etadi.
Avvalroq “Spot” “YouTube” yangi funksiyani sinovdan o‘tkazayotgani haqida yozgandi.
“Jump Ahead” deb nomlangan yangi funksiya foydalanuvchiga videodagi kerakli joyga o‘tishni osonlashtirish imkonini beradi.
Hozirda bu funksiya kichik foydalanuvchilar guruhi uchun mavjud va sinovdan o‘tkazilmoqda. Bu eksperimental xususiyat bo‘lib, u faqat “YouTube"ning ayrim Premium obunasi bo‘lgan foydalanuvchilari uchun mavjud.
Shunga o‘xshash yangi funksiyalarni sinab ko‘rish uchun, “YouTube"ning tajriba sahifasiga tashrif buyurish kerak.
