Aprel oyida iste’mol narxlari 0,93%ga oshdi. Bu haqda Statistika agentligining oylik hisobotida ma’lum qilindi.
O‘tgan yilga nisbatan oylik inflyatsiya biroz tezlashdi. Shu bilan birga, yil boshidan beri narxlarning oshishi (2,59%) so‘nggi bir necha yil ichida minimal darajada qolmoqda.
Aprel oyi oxirida yillik inflyatsiya 8,08%ni tashkil etdi. Mart oyiga nisbatan ozgina o‘sishga qaramay, bu avvalgi yillarga nisbatan sezilarli darajada past. Masalan, 2023-yilning aprel oyida ko‘rsatkich 11%ni tashkil etdi.
Oy davomida oziq-ovqat inflyatsiyasi 0,4%gacha tushib ketdi, bu o‘tgan aprel oyiga nisbatan uch baravar kamdir. Yillik ko‘rsatkichda oziq-ovqat narxlari 7%ga yoki bir yil oldingiga nisbatan deyarli ikki baravar past bo‘ldi.
Aprel oyida narxlarning o‘sishi bo‘yicha yetakchilar mevalar (+3%) bo‘ldi. Biroy davomida banan 9,9%ga, mandarin 7,5%gacha qimmatlashdi. Shu bilan birga, sut mahsulotlari 2,7%ga, sabzavotlar 1,2 foizga arzonlashdi.
O‘tgan yil davomida meva narxi o‘rtacha 31,4%ga, limon ikki barobar, anor 2,5 barobarga oshdi. Guruch 12%ga, baliq va dengiz mahsulotlari 7,3%ga qimmatlashdi. Shu bilan birga, sabzavot mahsulotlari 8,6%ga, yog‘-moy mahsulotlari 8,5%ga arzonlashdi.
Ishlab chiqarilgan mahsulotlar narxining o‘sish sur’ati oyiga 1%ga, yillik hisobda esa 7,7%ga oshdi. Aprel oyida kiyim-kechak va poyafzal narxlari deyarli o‘zgarishsiz qoldi va yil davomida mos ravishda 5,8 va 5,5%ga o‘sdi.
Mebel mart oyida 0,1%ga, o‘tgan aprel oyida esa 5%ga, maishiy texnika 0,3%ga va 6,5%ga qimmatlashgan. Yil davomida telefonlar 0,8%ga arzonlashgan, kompyuterlar 0,9%ga qimmatlashgan.
Aprel oyida benzin narxi 1,8%ga (yil davomida +27%ga) pasaydi. Metan esa 3%ga (22,4%) qimmatlashdi.
Xizmat ko‘rsatish sohasida inflyatsiyaning keskin tezlashishi kuzatildi — aprel oyida 1,8%gacha va 12 oy davomida 10,8%ga. Umumiy ovqatlanish korxonalarida narxlar mos ravishda 0,9 va 17,9%ga, mehmonxonalarda 0,2 va 19,5%ga oshgan.
Temir yo‘l chiptalari aprel oyida 3,2%ga, yil davomida esa 37,8%ga qimmatlashgan. Oy davomida havo transporti 1,7%ga arzonlashdi, yillik narx o‘sishi esa 7%ni tashkil etdi.
Avvalroq yil oxiriga qadar Markaziy bank tariflarning oshishi hisobiga inflyatsiyaning 9−11%gacha tezlashishini prognoz qilgandi.
