“Yandex” kompaniyasi “Yandex ML Prize” xalqaro ilmiy mukofoti uchun arizalar qabul qilmoqda. Bu haqda kompaniya matbuot xizmati “Spot"ga xabar berdi.
Unda yosh tadqiqotchilar, ilmiy rahbarlar hamda o‘qituvchilar mashinali o‘rganish sohasi bo‘yicha ishtirok etishlari mumkin.
G‘oliblar 70 mln so‘m, ilmiy rahbarlar esa 140 mln so‘m miqdoridagi pul mukofoti bilan taqdirlanishadi.
Shuningdek, “Yandex Cloud” tomonidan ham grantlar taqdim etiladi. U platformada bulutli hisoblashlarni amalga oshirish, tajribalarning ma’lumotlarini qayta ishlash va ML-modellarini o‘qitish imkonini beradi.
Mukofot nomzodlarning quyidagi yutuqlari uchun taqdim etiladi:
- kompyuterni texnik jihatdan ko‘rish;
- tabiiy tilni tahlil qilish va avtomatik tarjima;
- nutqni tanib olish va sintez qilish;
- axborotni qidirish va ma’lumotlarni tahlil qilish;
- generativ modellar sohasidagi yutuqlar.
Joriy yilda mukofot quyidagi beshta nominatsiyada taqdim etiladi:
- “Birinchi nashr”;
- “Tadqiqotchilar”;
- "Yosh ilmiy rahbarlar";
- “Ilmiy rahbarlar”;
- “ML o‘qituvchilari”.
““Yandex"ning xizmat va texnologiyalari, jumladan, intellektual ta’lim texnologiyalariga asoslangan. Ilmiy ishlanmalarni faol qo‘llab-quvvatlaymiz, yosh tadqiqotchilarga o‘z yo‘lini topishga yordam beramiz va sun’iy intellekt sohasidagi tajribamizni ular bilan bo‘lishishdan mamnunmiz”, — deya ta’kidladi “Yandex Research” rahbari Artyom Babenko.
Unda ishtirok etish uchun arizalarni joriy yilning 21-iyunigacha havola orqali jo‘natish mumkin.
Mukofot 2024-yilning kuzida topshiriladi. Ekspertlar kengashiga xalqaro darajadagi sun’iy intellekt tadqiqotchilari va mutaxassislar kiradi.
O‘tgan yili mukofot geografiyasi kengayib, ko‘pgina mamlakatlar qatorida O‘zbekistondan bo‘lgan nomzodlar ham mukofot uchun ariza topshirishlari mumkin bo‘ldi.
Avvalroq “Hacknovation-2024” hakatoniga arizalar qabul qilinayotgani haqida xabar berilgandi.
