“Neuralink” chipi o‘rnatilgan bemorda birinchi muammolar paydo bo‘ldi, deya xabar bermoqda “hi-tech.mail” nashri.
2024-yilning mart oyida Ilon Maskning “Neuralink” kompaniyasi birinchi chipli bemorni ko‘rsatdi. U 29 yoshli falaj Noland Arbo edi.
Yaqinda “Neuralink” implantatsiyadan 100 kun o‘tgach chip uchun dasturiy ta’minot yangilanishini chiqardi.
Kompaniya yangilash chipning ishlashini tezlashtirish uchun zarurligini ta’kidladi, biroq keyinchalik u butunlay boshqacha bo‘lib chiqdi.
“Neuralink” o‘z blogida chip elektrodlarining ba’zilari miya bilan aloqani yo‘qotib, pulsni o‘qish tezligi pasayganini aytdi.
Muammoni dasturiy ta’minot yordamida hal qilish kerak edi, shuning uchun mutaxassislar chip uchun yangilanishni chiqardilar.
Endi miya bilan aloqani yo‘qotmagan qolgan elektrodlar qo‘shimcha yuk oladi. Bu qaror qandaydir oqibatlarga olib keladimi yoki yo‘qmi, hozircha noma’lum.
“Neuralink” nega chip elektrodlari miyadan ajralib qolganini aytmadi. OAV intervyu bergan ekspertlarning fikricha, bu bosh suyagi ichidagi miyaning tabiiy harakati tufayli sodir bo‘lishi mumkin.
Inson miyasi ichida orqa miya suyuqligi bilan o‘ralgan. Bu suyuqlik suspenziya vazifasini bajaradi, ya’ni zarbalar va to‘satdan harakatlarni qoplaydi, miyaning bosh suyagiga urilishining oldini oladi.
Bu shuni anglatadiki, “Neuralink” chipi boshning o‘tkir qimirlagandan keyin ham aloqani yo‘qotishi mumkin.
Avvalroq “Spot” “Neuralink"ning birinchi bemori sichqonchani fikrlash orqali boshqarishni o‘rgangani haqida yozgandi.
Bemor o‘zini yaxshi his qilmoqda va kuzatuv davomida nojo‘ya ta’sirlar aniqlanmagan.
Ilon Maskning ma’lum qilishicha, bemor fikr kuchi bilan kompyuter sichqonchasi kursorini harakatga keltirishni o‘rgangan:
