“Apple” 2025-yilda iPhone’ning yupqaroq versiyasini chiqarishi mumkin, deya xabar beradi “The Information”.
Nashr manbalariga ko‘ra, qurilma iPhone 17 bilan bir vaqtda paydo bo‘lishi mumkin.
Ta’kidlashicha, yupqaroq iPhone narxi hozirda “Apple” kompaniyasining eng qimmat modeli bo‘lgan iPhone Pro Max’dan qimmatroq bo‘lishi mumkin — uning narxi $1200dan boshlanadi.
Loyihadan xabardor manbalarning qayd etishicha, ichki kod nomi D23 bo‘lgan qurilma dizayni sezilarli darajada o‘zgartiriladi.
Bundan tashqari, iPhone “Apple” kompaniyasining yangi avlod protsessori bilan jihozlanishi mumkin, deya qayd etadi “The Information”.
“Reuters” agentligining qayd etishicha, kutilayotgan yangilanish “Apple” kompaniyasining kompaniyaning eng ommabop mahsuloti bo‘lgan iPhone’ni yaxshilash zarurligini ta’kidlaydi.
Chunki u Xitoyda “Honor” va “Huawei” va butun dunyo bo‘ylab “Samsung Electronics” kompaniyalarining qattiq raqobatiga qarshi kurashmoqda.
Shu bilan birga, kompaniya arzonroq iPhone Plus modelidan voz kechishni rejalashtirmoqda va iPhone SE ning vorisi bo‘lgan arzonroq iPhone’ni chiqarish niyatida, deyiladi xabarda.
Avvalroq “Spot” “Apple” barcha jismoniy tugmalardan voz kechishi mumkinligi haqida yozgandi.
Qayd etilishicha, kompaniya iPhone 16 uchun ikkala tomoni tugmasiz modullarga buyurtma bergan.
