Rossiyaning “Sber” banki “AI Challenge” bolalar va o‘smirlar uchun xalqaro sun’iy intellekt tanloviga arizalar qabul qilmoqda. Bu haqda bank matbuot xizmati “Spot"gaxabar berdi.
Tadbir yoshlar o‘rtasida SI sohasini ommalashtirish va tegishli ko‘nikmalarni rivojlantirishni rag‘batlantirishga qaratilgan. Raqobatbardosh vazifalar texnologik biznes sohasidagi haqiqiy muammolarga asoslangan.
Bu yildan 13 yoshgacha bo‘lgan ishtirokchilar yangi “Boshlovchilar” individual trekida ishtirok etishlari mumkin. Bu 5ta yo‘nalish bo‘yicha yechimlarni ishlab chiqishda boshqa yangi kelganlar bilan raqobatni o‘z ichiga oladi.
Bundan tashqari, tanlov dasturi yana bir individual trek — “Kreativ"ni o‘z ichiga oladi. “Sberbank” raisining birinchi o‘rinbosari Aleksandr Vedyaxinning so‘zlariga ko‘ra, bu generativ SI xizmatlaridan (GigaChat, Kandinskiy) foydalangan holda vazifalarni hal qilishni talab etadi.
Shu bilan birga, bolalar “Tadqiqotchilar” jamoaviy trekini tanlashlari mumkin. 2−5ta ishtirokchidan iborat guruhlar murakkabligi yuqori bo‘lgan keyslarga yechimlarni ishlab chiqishlari kerak.
“AI Challenge” to‘rt bosqichda o‘tkaziladi — saralash, asosiy, yarim final va final. Birinchi bosqichda ishtirokchilar shaxsiy reytingini oshirish uchun individual muammolarni hal qilishlari kerak.
Tanlovning saralash bosqichida ishtirok etish uchun nomzodlar joriy yilning 15-sentabrigacha havola orqali ro‘yxatdan o‘tishlari mumkin.
Tadbirning mukofot jamg‘armasi 17 mln rublni tashkil qiladi. Ulardan 14 mlni “Tadqiqotchilar” toifasidagi 18ta g‘olib jamoalar o‘rtasida taqsimlanadi, qolgani individual treklar uchun mo‘ljallangan.
Avvalroq Toshkentda o‘tkaziladigan “PizzaPitch FinTech” loyihasiga arizalar qabul qilinayotgani haqida xabar berilgandi.
