“Kia” kompaniyasi 2022-yilda ishlab chiqarilgan 2209ta “Niro EV” elektromobillarini qaytarib olishini e’lon qildi. Bu haqda “Speedme” nashri xabar berdi.
Muammo batareyaning yuqori voltli xavfsizlik ulagichining haddan tashqari qizib ketishi va erishi ehtimoli bilan bog‘liq bo‘lib, bu haydash paytida yong‘in yoki quvvatni yo‘qotishiga olib kelishi mumkin.
Hisobotga ko‘ra, yuqori kuchlanishli saqlagich ulagichining aloqa yuzalarida vaqt o‘tishi bilan yuqori elektr qarshiligi paydo bo‘lishi mumkin.
“Kia” hozircha aniq sababni aniqlagani yo‘q, ammo muammo ulagichlar ishlab chiqarishdagi yetkazib beruvchining o‘zgarishi bilan bog‘liqligini taxmin qilmoqda.
Sabab nima bo‘lishidan qat’iy nazar, elektr qarshiligi jiddiy muammolarni keltirib chiqarishi mumkin, ayniqsa avtomobilni zaryad qilish yoki ishlatish paytida.
Bunday paytlarda ulagich erishi, quvvatni yo‘qotishi yoki hatto yong‘inga olib kelishi mumkin.
Avtotransport vositalari egalariga chaqirib olish ta’mirlash ishlari tugaguniga qadar o‘z avtomobillarini garajlarda yoki boshqa yopiq joylarda zaryad qilmaslik tavsiya etiladi.
Avvalroq “Spot” “Lamborghini” AQShda 2133ta Urus yo‘ltanlamaslarini qaytarib olishi haqida yozgandi.
Qayd etilishicha, qaytarib olishga katta tezlikda harakatlanayotganda avtomobil kapotining ochilib ketishi xavfi sabab bo‘lgan.
