Rossiyada Davlat Dumasiga yagona “RuStore” ilovalari do‘koniga kirmasdan smartfon sotishni taqiqlovchi qonun loyihasi kiritildi, deya xabar bermoqda “hi-tech.mail” nashri.
“RuStore qachon iPhone’larda paydo bo‘ladi? Buni tezroq amalga oshirish uchun bugun men hamkasblarim bilan birgalikda Davlat Dumasiga App Store’da rossiyalik ishlab chiquvchilarning ilovalarini kamsitishni taqiqlovchi qonun loyihasini kiritdim”, — dedi Davlat Dumasi deputati Anton Gorelkin.
Tashabbus mualliflari Gorelkinning o‘zi, Federatsiya Kengashining Konstitutsiyaviy qonunchilik va davlat qurilishi qo‘mitasi rahbari Andrey Klishas, shu qo‘mita raisining o‘rinbosari Irina Rukavishnikova va qo‘mita a’zosi Artem Sheykin edi.
Anton Gorelkinning ta’kidlashicha, yangi qonun loyihasi Yevropa Ittifoqida 2022-yilda kuchga kirgan “Raqamli bozorlar to‘g‘risida"gi Yevropa qonunining o‘xshashi hisoblanadi.
Unga ko‘ra, “Apple” ilovalarni muqobil ilovalar do‘konlaridan (App Store’dan emas) yuklab olishga ruxsat berishi shart.
Shunga o‘xshash qonunlar Yaponiya va boshqa mamlakatlarda tayyorlanmoqda.
Agar Rossiyada maishiy xizmatlarga kirish imkoni bo‘lmagan qurilmalarni sotishni taqiqlovchi qonun qabul qilinsa, “Apple” rossiyaliklarga “RuStore"dan ilovalar, masalan, sanksiyalar tufayli “App Store"da bo‘lmagan bank dasturlarini o‘rnatishga ruxsat berishi kerak bo‘ladi.
Biroq, “Apple” Rossiyada rasmiy ravishda taqdim etilmaydi, shuning uchun mamlakatda ushbu qonunga rioya qilish buning uchun shart emas. Bunda mamlakatda do‘konlarga iPhone sotish taqiqlanadi.
Anton Gorelkinning fikricha, yangi qonun 2025-yil 1-sentabrdan kuchga kirishi kerak. “Apple” muqobil ilovalar do‘konlariga ruxsat berish qarorini ko‘rib chiqish uchun 1,5 yil vaqt oladi.
Avvalroq “Spot” Rossiyadagi “Apple” xizmat ko‘rsatish markazlarida iPhone va MacBook uchun ehtiyot qismlari tugagani haqida yozgandi.
Qayd etilishicha, kompaniyaning vakolatli xizmat ko‘rsatish markazlariga ularning kerakli original ehtiyot qismlarini yetkazib berish to‘xtatilgan.
