Toshkent viloyati hokimi Zoir Mirzayev 4-iyul kuni Yuqori Chirchiq tumanida barpo etilayotgan to‘qimachilik-sanoat bog‘ida bo‘ldi, deya xabar berdi viloyat hokimligi matbuot xizmati.
69,2 gektar yer maydonida tashkil etilayotgan “Textile Industry Park” to‘qimachilik-industrial texno parkining qurilish jarayonlari boshlangan.
“Textile Industry Park” loyihasi 23 ta lotlarga bo‘lingan bo‘lib, loyihaning umumiy qiymati $350 mlnni tashkil etadi.
Yaratiladigan ish o‘rinlari soni 2 000 nafardan ziyodni tashkil qiladi. Loyihaning to‘liq amalga oshirish va yakunlash ishlari 2025-yil 4-choragiga mo‘ljallangan.
1-may kuni prezident to‘qimachilik va trikotaj sanoatini rivojlantirish bo‘yicha yangi chora-tadbirlarni tasdiqlash to‘g‘risidagi qarorni imzoladi.
Hujjatda Toshkent shahri va uchta viloyatda to‘qimachilik mahsulotlari dizaynerlari, dizaynerlari va marketologlari markazlarini tashkil etish ko‘zda tutilgan.
Bundan tashqari, Yangi Toshkent shahrida ulgurji savdo bozori va yengil sanoat mahsulotlari, shuningdek, uni ishlab chiqarish uchun chetdan olib kelinadigan materiallarni sotish markazini qurish topshirildi. Buning uchun 30 gektar yer uchastkasi ajratiladi.
