“Samsung” kompaniyasi “Unpacked” nomli taqdimot o‘tkazdi va unda yangi gadjetlar, jumladan, smartfonlar taqdim etildi.
Xususan, kompaniya “Galaxy Z Flip 6” va “Z Fold 6” buklama smartfonlari, shuningdek, “Galaxy Buds 3” va “Buds 3 Pro” quloqchinlari, “Galaxy Watch 7” va “Galaxy Watch Ultra” soatlarini taqdim etdi.
Galaxy Z Flip 6 и Z Fold 6
Ikkala smartfon ham “Galaxy” protsessorlari uchun “Qualcomm Snapdragon 8 Gen 3” bilan jihozlangan va IP48 himoya darajasini qo‘llab-quvvatlaydi.
Beshinchi avlod modellari IPX8 darajasini qo‘llab-quvvatladi — ya’ni ular namlikka chidamli, ammo changga chidamli emas edi.
Modellar “Samsung"dan o‘rnatilgan “Galaxy AI” sun’iy intellekt funksiyalarini oldi.
“Z Flip 6” tashqi ekrani xuddi “Z Flip 5 kabi” 3,4 dyuymli Super AMOLED. Asosiy ekran diagonali 6,7 dyuym.
Endi foydalanuvchilar undan “Galaxy AI” funksiyalaridan foydalanishlari mumkin bo‘ladi. Shuningdek, bildirishnomalarni, musiqa vidjetidagi treklarni va boshqalarni ekrandan boshqarish mumkin.
“Flip 6” 10 megapikselli old kameraga, 12 megapikselli ultra keng burchakli kameraga va 50 megapikselli asosiy kameraga ega (Flip 5'ning 12 megapikselidan yuqori).
Akkumulyatorning sig‘imi avvalgi versiyadagi 3700 mA/soatga nisbatan 4000 mA/soatni tashkil qiladi. Model 12 Gb tezkor xotira va 256 yoki 512 Gb xotira bilan sotuvga chiqariladi.
“Z Fold 6"ning asosiy displeyi 7,6 dyuymli Dynamic AMOLED 2X, yangilanish tezligi 120 Gts. Tashqi ekran 6,3 dyuym. Ochilgach, qurilma qalinligi 6,1 mm dan 5,6 mm gacha kamaydi.
Orqa tomonda 50 megapikselli asosiy keng burchakli kamera, 12 megapikselli ultra keng burchakli kamera va 3x optik zumli 10 megapikselli telefoto kamera mavjud. Old kamera 10 MP, displey ostida yana 4 MP.
Akkumulyator sig‘imi 4400 mA/soat, Fold 5 bilan bir xil. “Samsung” qurilmani modelga qarab 12 GB operativ xotira va 256 GB, 512 GB yoki 1 TB xotira bilan jihozlagan.
Ikkala smartfonga ham oldindan buyurtma 2024-yil 10-iyuldan boshlab, 24-iyuldan sotuvga chiqariladi.
Galaxy Buds 3 va Buds 3 Pro
Qurilmalar yangilangan dizaynga ega, ular uchta mikrofonni, faol shovqinni kamaytirishni (Pro versiyasida — adaptiv shovqinni kamaytirish) va “Galaxy AI” funksiyalarini qo‘llab-quvvatlaydi.
Masalan, “Fold 6” yoki “Flip 6"da “Interpreter” funksiyasini faollashtirish va quloqchinlarni ulash orqali foydalanuvchilar real vaqt rejimida xorijiy tildagi ma’ruzaning ovozli tarjimasini tinglashlari mumkin.
Kompaniya ma’lumotlariga ko‘ra, “Buds 3” shovqinni o‘chirish funksiyasi yoqilgan holda musiqa ijro etilganda bir quvvatlanishda besh soatgacha, “Buds 3 Pro” olti soatgacha ishlashi mumkin.
Quloqchinarga ham 10-iyuldan oldindan buyurtma berish mumkin bo‘lib, 24-iyuldan sotuvga chiqariladi.
Galaxy Watch 7 va Galaxy Watch Ultra
“Watch 7” ikkita o‘lchamda mavjud — 40 mm va 44 mm, “Watch Ultra” titan korpusida 47 mm. Har ikkala qurilmada sapfir oynasidan tayyorlangan Super AMOLED displeylar mavjud.
Qurilmalar yurak urishi va tana tuzilishini yaxshilangan tahlil qilish uchun yangilangan “Samsung BioActive” sensorini qo‘llab-quvvatlaydi.
Soat 100 dan ortiq mashg‘ulotlar, “apnoe” monitoringi, yurak urishi tezligi va qon bosimi, tushishni aniqlash va ikki chastotali GPS modulini qo‘llab-quvvatlaydi. “Watch Ultra” triatlon uchun multisport rejimiga ega.
Watch 7 akkumulyatori sig‘imi 300 mA/soatni tashkil etadi, 40 mm model uchun tez quvvatlashni qo‘llab-quvvatlaydi va 44 mm model uchun 425 mA/soat. Watch Ultra 590 mA/soat sig‘imga ega.
Galaxy Ring
“Samsung” 2024-yil boshida “Galaxy Ring” aqlli uzugini e’lon qildi. U kun bo‘yi sog‘lig‘ini kuzatish uchun mo‘ljallangan va yetti kungacha zaryad olmasdan ishlashi mumkin. Og‘irligi — hajmiga qarab 2,3 grammdan 3 grammgacha.
