“Adobe” korporatsiyasi “Photoshop” va “Illustrator” ilovalarining sun’iy intellekt funksiyasini kengaytirdi.
“Photoshop"da matn bilan ishlash uchun yangi vositalar va yangi “cho‘tkalar”, “Illustrator"da generativ vektor to‘ldirishlar paydo bo‘ldi.
Kompaniyaning fikricha, yangi funksiyalar kundalik ijodiy jarayonlarni tezlashtiradi va foydalanuvchilarga ko‘proq nazoratni ta’minlaydi.
“Photoshop"da takroriy vazifalarni osonlashtirish uchun yangi tanlash va sozlash cho‘tkasidan foydalanish mumkin.
Matn vositasi kabi kontekstli vazifalar paneli yaxshilandi. “Adobe Firefly AI” tasvir generatori so‘nggi versiyaga yangilandi.
“Adobe Illustrator"da generativ shakl soyasi yordamida kontekst vazifalar paneliga matn takliflarini kiritish orqali vektor grafikalarini qo‘llash mumkin.
Yaratilgan shakllar dastlab vektorlashtiriladi, bu esa cheksiz masshtablash va tahrirlash imkoniyatlarini beradi.
“Mockup” funksiyasi yordamida qadoqlash yoki kiyim qismi kabi haqiqiy obyektga tasvirni joylashtirishning yakuniy natijasini tasavvur qilish mumkin.
Matnni shablonga aylantirish vositasi tezda tahrirlanadigan fon rasmlarini yaratishga yordam beradi.
Avvalroq “Spot” “Adobe” o‘zining uchta yangi neyron tarmog‘ini taqdim etgani haqida yozgandi.
Bular “Firefly Image” modeli bo‘lib, u yuqori aniqlikni va odamlar yaxshiroq chizishini qo‘llab-quvvatlaydi. “Firefly Design” esa reklama va e’lonlar uchun maketlar yaratadi. Uchinchisi vektorlar bilan ishlaydigan “Firefly Vector” generativ modelidir.
