Iyul oyida avtomobil bozorida sotuvlar oshdi. Bu haqda Iqtisodiy tadqiqotlar va islohotlar markazi tahlilida keltirilgan.
Unga ko‘ra, respublikada avtotransport vositalarining umumiy savdosi 17,4%ga o‘sib, deyarli 102 ming donaga yetdi. Yillik ko‘rsatkichda faollik 29,4%ga kamaydi.
Yengil avtomobillar bozorida iyul oyida yengil avtomobillar savdosi 18,6%ga oshib, 92 ming donaga tashkil etdi. Yil davomida yengil avtomobillar bozori ham pasayib, sotuvlar 30%dan ko‘proq kamaydi.
Yengil avtomobillar savdosida eng katta o‘sish Namangan, Qashqadaryo va Andijon viloyatlarida kuzatilganligini ko‘rsatmoqda, ushbu viloyatlarda o‘sish mos ravishda 52%, 36% va 29%ni tashkil etdi.
Birlamchi avtobozordagi vaziyat
Birlamchi yengil avtomobillar bozorida iyul oyida sotuvlar o‘tgan oyga nisbatan 17%ga oshdi, bu bir oy avvalgiga qaraganda 4 mingdan ortiq avtomobilga oshdi. Yillik hisobda faollik 12%ga pasayishi kuzatildi.
Iyul oyida mahalliy ishlab chiqarilgan yangi avtomobillar segmentida sotish hajmining o‘sish tendensiyasi ham davom etdi. Xususan, bunday avtomobillar savdosi 17,5%ga oshdi. Yillik ko‘rsatkichlarda faollikning pasayishi 6%ga kuzatilmoqda.
Yengil xorijiy avtomobillar
O‘zbekiston bozorida xorijiy yengil avtomobillar bozori o‘sishni boshladi. Iyul oyida ushbu segmentdagi savdo 9,6%a o‘sdi va 2,6 ming donani tashkil etdi, bu o‘tgan oyga nisbatan 200 ta xorijiy avtomobilga ko‘pdir.
Faoliyatning nisbatan kichik o‘sishi yillik ko‘rsatkichlarda sotuvlar hajmining pasayishini qoplamaydi, bu o‘tgan yilga nisbatan qariyb 46,5%ni tashkil etdi.
Yengil avtomobillar ikkilamchi bozori
Yengil avtomobillarning ikkilamchi bozoridagi vaziyat sotish hajmining yillik pasayishi tendensiyasini saqlab, savdo dinamikasining o‘sishi bilan tavsiflanadi.
Xususan, iyul oyida yengil avtomobillar ikkilamchi bozoridagi faollik o‘tgan oyga nisbatan 19,6%ga oshdi. Hisobot davrida ushbu segmentda 61,5 mingga yaqin avtomobil sotildi. Umuman olganda, sotuvlar yil davomida 37%ga kamaydi.
Elektromobillar bozori
Iyul oyida yengil elektromobillar segmenti savdolarning o‘sishini ko‘rsatdi. Sotish hajmi 3,4 ming donani tashkil etdi, bu iyun oyiga nisbatan 390 dan ortiq avtomobilga ko‘p.
Shu bilan birga, o‘tgan yilning iyul oyi darajasiga nisbatan elektromobillar savdosi 28%ga oshdi.
O‘zbekistonda elektromobillarning birlamchi bozorida oy davomida sotuvlar 11,2%ga o‘sdi, ikkilamchi bozorda esa 18,2%dan ortiq o‘sish kuzatilgan. Yillik ko‘rsatkichda foydalanilgan elektromobillar savdosi uch baravar ko‘paydi
