“General Motors” Xitoydagi xodimlarini ishdan bo‘shatadi. Bu haqda “ITHome” xabar bermoqda.
Qayd etilishicha, kompaniyaning xodimlarini ishdan bo‘shatishiga sotuv tushib ketgani va Xitoydagi o‘z strategiyasini o‘zgartirishi sabab qilib ko‘rsatilmoqda.
Ma’lumotlarga ko‘ra, “SAIC-GM” mahalliy kompnaiyasining iyul oyidagi sotuvi o‘tgan yilning shu davriga nisbatan 82,42%ga kamaydi.
“General Motors” Xitoyda ish joylarini qisqartirmoqda va yaqin orada mahalliy hamkori “SAIC” bilan uchrashib, Xitoydagi operatsiyalarida kengroq tarkibiy o‘zgarishlarni rejalashtirmoqda.
Bu masaladan xabardor odamlar uning sotuvi 2017-yilning to‘liq yillik cho‘qqisiga qaytishi dargumon ekanligini tan olishdi.
Ta’kidlanishicha, dunyodagi eng yirik avtomobil bozori bo‘lgan Xitoyda xorijiy brendlar ko‘plab mahalliy raqiblar bilan raqobatlashmoqda va hozirda katta hajmdagi ortiqcha imkoniyatlarga duch kelmoqda.
Qayta qurish elektromobil ishlab chiqarishga o‘tishni, ko‘proq premium modellarga e’tiborni va premium avtomobillarni import qilishni o‘z ichiga oladi.
Avvalroq “General Motors” haydovchisiz taksi ishlab chiqarishdan voz kechgani haqida xabar berilgandi.
Qayd etilishicha, loyiha kompaniyaning strategik rejalariga mos kelmasligi sababli to‘xtatilgan.
2020-yilda boshlangan loyiha va uch yil ichida kompaniya o‘zini o‘zi boshqaradigan taksilardan tashqari “Chevrolet Bolt” modellarida sinovdan o‘tgan avtopilot tizimlarini rivojlantirishda ma’lum natijalarga erishdi.
Biroq, avtopilotning ishlamay qolishi va avtohalokatga olib keladigan bir qator yo‘l hodisalari Amerika rasmiylari 2023-yil kuzida “Cruise Origin"dan o‘z tizimlarini umumiy foydalanishdagi yo‘llarda sinab ko‘rish uchun ruxsatnomani bekor qilishlari bilan yakunlandi.
Shundan so‘ng “General Motors” “Origin” haydovchisiz mikroavtobuslarini ishlab chiqarishni to‘xtatishga majbur bo‘ldi, ammo rivojlanish davom etdi.
“General Motors” rahbari Meri Barraning rasmiy bayonotiga ko‘ra, loyiha ustidagi ishlar butunlay to‘xtatilgan.
Kompaniya regulyatorlar bilan hech qanday boshqaruv vositalarisiz, jumladan, rul va pedallarsiz boshqariladigan avtomashinalardan foydalanish bo‘yicha konsensusga erisha olmadi.
Avvalroq “Spot” “Apple” elektromobil ishlab chiqarishdan voz kechgani haqida yozgandi.
Kompaniya 10 yildan ko‘proq vaqt davomida ishlab kelayotgan haydovchisiz elektromobil loyihasini to‘xtatgan.
Loyiha ustida ishlayotgan 2000 nafar xodimning ishdan bo‘shatilishi yoki boshqa ishga o‘tkazilishi ma’lum qilinmagan.
