Rossiyalik ishlab chiquvchilar Android va iOS’ga muqobil bo‘ladigan mobil operatsion tizimni yaratishga kirishdilar. Bu haqda mamlakat bo‘ylab serverlar va ish stansiyalariga o‘rnatuvchi “Bazalt SPO” kompaniyasiga tayanib “hi-tech.mail” nashri ma’lum qildi.
“Bazalt SPO” kompaniyasi “AltPhone” savdo belgisini ro‘yxatdan o‘tkazdi. Ishlab chiquvchi vakili “RBC' nashriga anqilik kiritishicha, kompaniya ishlayotgan mobil operatsion tizim shunday nomlanadi.
Hozircha loyiha faqat dastlabki bosqichlarda, shuning uchun vaqt va investitsiyalar haqida hech qanday izoh yo‘q.
Ammo mutaxassislarning fikriga ko‘ra, “AltPhone” ning rivojlanishi bir necha yuz million rublni tashkil qiladi.
Bu Rossiyada mobil operatsion tizim yaratishga birinchi urinish emas, ammo Android va iOS hali ham bozorda yetakchilik qilmoqda.
Bu safar, “Bazalt SPO” kompaniyasi tomonidan ta’kidlanganidek, loyiha bepul dasturiy ta’minotni oladi va Rossiya mobil qurilma ishlab chiqaruvchilari allaqachon ishga jalb qilingan, biroq qaysi biri ekanligi haqida xabar berilmagan.
Avvalroq Rossiyada “Google”, “Android” va “iOS” bloklanishi mumkinligi haqida xabar berilgandi.
Bu haqda Rossiya Davlat dumasi deputati Aleksey Didenko ma’lum qilgan va boshqa platformalarga o‘tishni maslahat bergan.
Biroq ushbu kompaniyalarga nima sababli, qachon va qancha muddatga cheklov kiritilishi ochiqlanmagan.
12-iyul kuni “Rostelekom” Rossiyada “YouTube"ning ishlashi yomonlashishi mumkinligini e’lon qildi.
Sababi, “Google” kompaniyasiga tegishli bo‘lgan va “YouTube"ni boshqarishda foydalanilgan uskunaning ishlashida kuzatilgan texnik nosozliklardir.
26-iyul kuni Rossiya Davlat dumasi deputati Aleksandr Xinshteyn Rossiyada “YouTube” tezligi kelasi hafta oxirigacha 70%ga tushishi haqida ma’lum qildi.
Ushbu chora faqat ish stoli versiyalari uchun ta’sir qilib, mobil qurilmalarda platforma odatdagiday ishlashda davom etishi xabar berildi.
“Google” “YouTube"ning Rossiyadagi faoliyatidagi nosozliklar kompaniyaning texnik muammolari bilan bog‘liq emasligini ma’lum qildi.
1-avgust kuni yarim tundan boshlab Rossiyada foydalanuvchilar xizmatdagi uzilishlar haqida shikoyat qila boshladilar, deya yozmoqda “Kommersant”.
"YouTube"ga ulanishning kanal tezligi 322 Kbit/s, oldindan yuklangan video qismining uzunligi nolga teng edi. O‘tgan haftada kanal tezligi pasayib ketdi. Shunday qilib, 25-iyulda 8,5 Mbit/s, 30-iyulda esa 918 Kbit/s.
Kun davomida 14 mingdan ortiq foydalanuvchi ushbu xizmat yuzasidan shikoyat qilgan. Shu bilan birga, Rossiyada “YouTube” qamrovi o‘sishda davom etmoqda va trafik ham oshib bormoqda.
