“Midjourney” barcha foydalanuvchilarga veb-interfeysga kirishni ochdi, deya xabar bermoqda “vc.ru” nashri.
Qayd etilishicha, neyron tarmoq orqali tasvirlarni yaratish uchun endi “Discord” kerak emas. Biroq u orqali yoki “Google” hisob bilan saytga kirish mumkin.
Bonus sifatida “Midjourney” yangi foydalanuvchilarga 25ta tasvirni bepul yaratish imkonini berdi. Sinov muddati tugagach, obuna uchun to‘lash kerak bo‘ladi. Narxi $8−10dan boshlanadi.
Saytda nafaqat rasmlar generatsiyasi emas, boshqa foydalanuvchilarning rasmlarini ko‘rish va yoqtirish mumkin.
Shuningdek, foydalanuvchilar neyron tarmoqqa qanday so‘rov berganligini va qanday sozlamalarni o‘rnatganligini ko‘rish mumkin. Bundan tashqari, rasm qidiruvi mavjud.
“Midjourney” veb-versiyasi bir vaqtning o‘zida 4ta rasm yaratadi. Yoqqan rasmni saqlash uchun sichqonchaning o‘ng tugmachasini bosish kerak.
Kontekst menyusi, shuningdek, tasvirni yashirish, hajmini kattalashtirish, uni aylantirish yoki kesish, tafsilotlarni qo‘shish uchun uni qayta ishlatish yoki keyingi rasm uchun shtapel sifatida foydalanish imkonini beradi.
Avvalroq “Spot” “Microsoft” bitta tasvirdan video yaratadigan yangi neyron tarmoqni taqdim qilgani haqida yozgandi.
Foydalanish uchun rasm va audioni taqdim etish kerak. Algoritm tabiiy yuz ifodalari va turli xil his-tuyg‘ularga ega bo‘lgan gapiradigan odamni yaratadi.
