Niderlandiya va Fransiya “Uber"'ni 290 mln yevro jarimaga tortdi. Bu haqda “Kommersant” nashri xabar berdi.
Qayde etilishicha, Niderlandiyaning ma’lumotlarni himoya qilish boshqarmasi Fransiyaning informatika va erkinliklar bo‘yicha milliy komissiyasi bilan birgalikda tergov o‘tkazgan.
Shundan so‘ng, ikkala regulyator “Uber Technologies” kompaniyasini Yevropa Ittifoqining ma’lumotlarni himoya qilish bo‘yicha umumiy reglamentini buzgani uchun 290 mln yevro miqdorida jarimaga tortdi.
Ikki davlatning nazorat organlari 170 nafar fransuz xizmat haydovchisi manfaatlarini himoya qiluvchi Amerikaning Inson huquqlari ligasi kompaniyasi ustidan shikoyat arizasi ortidan tergov boshladi.
Haydovchilarning shikoyati Fransiyaning informatika va erkinliklar bo‘yicha milliy komissiyasiga yuborilgan, biroq “Uber"ning Yevropa yuridik shaxsi Niderlandiyada ro‘yxatdan o‘tganligi sababli ish Niderlandiyaning ma’lumotlarni himoya qilish boshqarmasiga yuborilgan.
Niderlandiya regulyatori ta’kidlaganidek, 2021-yil avgustidan 2023-yil noyabrigacha “Uber BV” va “Uber Technologies” Yevropa servis haydovchilarining shaxsiy ma’lumotlarini almashgan.
Biroq, kompaniya ma’lumotlarni himoya qilishning umumyevropa mexanizmlaridan hech biriga amal qilmadi. Bu shuni anglatadiki, u Amerika serverlariga ma’lumot uzatishda tegishli himoya darajasini ta’minlamagan.
2023-yil dekabr oyida Fransiya va Niderlandiya regulyatorlari “Uber"ni xuddi shu tergov doirasida 10 mln yevro jarimaga tortishdi.
O‘sha paytda kompaniya Yevropa hukumatiga Yevropa Ittifoqidagi haydovchilarning shaxsiy ma’lumotlarini saqlash muddatlarini oshkor qilmagani, shuningdek, ushbu ma’lumotlar AQShga ko‘chirilganligi uchun jazolandi.
Qayd etilishicha, “Uber” Fransiya va Niderlandiyadagi regulyatorlarning ikkala qarori ustidan shikoyat qiladi.
Avvalroq “Spot” “Uber” Avstraliyada taksi haydovchilari da’vosini hal qilish uchun $178 mln to‘lashi haqida yozgandi.
Qayd etilishicha, haydovchilar “Uber"ni taksilar va ijaraga olingan avtomobillarni litsenziyalashni talab qiluvchi qonunlarni buzganlikda aybladi.
