Avvalroq “Spot” Raqobat qo‘mitasi sement ishlab chiqaruvchi “Shangfeng-bridge of friendship"ga qarshi antidemping tekshiruvini elon qilgani haqida yozgandi.
Raqobat qo‘mitasi ishni ko‘rib chiqish chog‘ida boshqarma tomonidan bir qator qonunbuzarliklar aniqlangani haqida xabar berdi.
Qayd etilishicha, qo‘shma korxona mart oyidan iyul oyigacha to‘g‘ridan-to‘g‘ri shartnomalar bo‘yicha qonunchilikda belgilangan birja savdolarini chetlab o‘tgan holda 122,7 ming tonna sement sotgan.
Shuningdek, 2,7 ming tonna sementning birja kotirovkasidan yuqori narxlarda sotilishi natijasida korxona 81,1 mln so‘m asossiz daromad olgan.
Bundan tashqari, tartibga soluvchi boshqa sement yetkazib beruvchilarga nisbatan adolatsiz raqobat faktlarini aniqladi.
Qo‘mita hududiy boshqarmasi huzuridagi maxsus komissiya “Shangfeng-bridge of friendship"ni raqobatga zid harakatlar, jumladan demping va birja raqobatini cheklashda aybdor deb topdi. Qo‘shma korxonaga 4,9 mlrd so‘m moliyaviy jarima qo‘llanildi.
Shuningdek, zavodga qoidabuzarliklarni to‘xtatish va kelgusida ularga yo‘l qo‘ymaslik to‘g‘risida buyruq berildi.
Bundan tashqari, to‘g‘ridan-to‘g‘ri shartnomalar bo‘yicha sement sotish bo‘yicha hujjatlar daromad solig‘i va QQSni hisoblash uchun Soliq qo‘mitasiga yuborildi.
Buloqboshi tumanida sement ishlab chiqarish korxonasini tashkil etish bo‘yicha kelishuvga 2023-yil oktabr oyida erishilgan edi.
Keyin Xitoydan kelgan hamkorlar yiliga $20 mlnlik mahsulot eksport qilish va $15 mlnlik import o‘rnini bosadigan ikkita zavod qurishga va’da berishdi.
“Shangfeng-bridge of friendship” O‘zbekiston-Xitoy qo‘shma korxonasi aprel oyi oxirida ish boshladi. Narxi qariyb $250 mln bo‘lgan zavod kuniga 6,5 ming tonnagacha sement ishlab chiqarishi mumkin.
Avvalroq “Spot” Raqobat qo‘mitasi Nukus xalqaro aeroportiga nisbatan ish qo‘zg‘atgani haqida yozgandi.
Aeroport 120 mln so‘mlik tenderni o‘tkazishda talablarni buzgani aniqlanib, unga nisbatan ish qo‘zg‘atildi va ta’sir chorasi qo‘llanildi.
