2024-yilning yanvar-iyul oylarida umumiy ovqatlanish korxonalari tomonidan 750,2 mlrd so‘mdan ortiq soliq to‘langan. Bu haqda Soliq qo‘mitasi xabar berdi.
Shundan 126,2 mlrd so‘mi, ya’ni 16,8%i 20ta korxona hissasiga to‘g‘ri keladi. Ularning jami tovar aylanmasi 1,8 trln so‘mni, soliq imtiyozlari esa 30,8 mlrd so‘mni tashkil etdi.
Yanvar-iyul oylarida eng ko‘p soliq to‘lagan umumiy ovqatlanish korxonasi “Mak Food Servis” — “Evos” brendi bo‘ldi. Korxona tomonidan 40,5 mlrd so‘m soliq to‘langan.
Shuningdek, korxonaning tovar aylanmasi 494,5 mlrd so‘mni, qo‘llanilgan soliq imtiyozlari 8 mlrd so‘mni tashkil etdi.
Ikkinchi o‘rinda “KFC” tarmog‘ining O‘zbekistondagi franshizasi — “International Foodchain” turibdi. Kompaniya 416,7 mlrd so‘m aylanma bilan 26,2 mlrd so‘m soliq to‘ladi.
Kuchli uchlikni “Uzbekistan Airways” aviakompaniyasining umumiy ovqatlanish sho‘ba korxonasi “Ketring” kuchli uchlikni yakunlab berdi.
Korxona besh oyda 202,1 mlrd so‘mlik aylanmasi bilan 17 mlrd so‘m soliq to‘lagan.
Quyida 20ta umumiy ovqatlanish korxonalari har birining tovar aylanmasi, to‘langan soliqlari va imtiyozlari ko‘rsatilgan:
| № | Kompaniya nomi | Tovar aylanmasi, mlrd so‘mda | To‘langan soliqlar, mlrd so‘mda | Soliq imtiyozlari, mlrd so‘mda |
| 1 | “Mak Food Servis” (Evos) | 494,5 | 40,5 | 8 |
| 2 | “International Foodchain” (KFC) | 416,7 | 26,2 | 7,5 |
| 3 | “Ketring” | 202,1 | 17 | 3,6 |
| 4 | Euro Asia Lider Service | 15,1 | 4,6 | 1,2 |
| 5 | Chef Katering | 98,9 | 4,1 | 0,9 |
| 6 | Blackpilaf | 53,1 | 3,4 | 0,6 |
| 7 | Savdo | 64,7 | 3,2 | - |
| 8 | Aviatika | 11,4 | 2,9 | - |
| 9 | Good Food Catering | 57,4 | 2,9 | - |
| 10 | Vanilla Food | 27,1 | 2,7 | 0,4 |
| 11 | PJ Eastern Group | 18,9 | 1,7 | - |
| 12 | Ol Foodchain | 64,1 | 2,1 | 0,4% |
| 13 | Xonobod Fayz Taomlari | 16,6 | 2 | - |
| 14 | Oqtepa Food Service | 71,5 | 2 | 0,3 |
| 15 | Efendi Co Ltd | 8 | 1,9 | - |
| 16 | Sirovarnya Super Food | 45,9 | 1,8 | - |
| 17 | Alfa Best | 37,9 | 1,8 | 5,4 |
| 18 | Feedup Eco | 64,3 | 1,7 | 0,8 |
| 19 | Sedmoe Nebo | 4,8 | 1,6 | 0,3 |
| 20 | Sayohat Travel | 32,2 | 1,6 | 1,4 |
Avvalroq “Spot” sug‘urta kompaniyalarini yirik soliq to‘lovchilar deb hisoblash taklif etilayotgani haqida yozgandi.
Shu bilan birga, to‘qimachilik korxonalari va pivo ishlab chiqaruvchilarni ushbu toifadan chiqarish rejalashtirilmoqda.
