“Windows 11” kompyuterni qayta ishga tushirmasdan yangilashni o‘rganadi. Bu haqda “hi-tech.mail” nashri xabar berdi.
Qayd etilishicha, tez orada kompyuterni qayta yoqmasdan yangilanishi mumkin bo‘ladi. Ammo bu jarayondan butunlay voz kechish imkonini bermaydi.
“PC World"ning “Windows Latest” nashriga tayanib xabar berishicha, “Microsoft” tasodifan “Windows 11 24H2” tizimiga kelishi mumkin bo‘lgan funksiya haqida “Windows uchun Hotpatch” ostida qo‘llab-quvvatlash sahifasini chop etdi.
Bu 2024-yil oxiriga rejalashtirilgan keyingi yirik operatsion tizim yangilanishi. Ma’lumot uchun, “hotpatch” — bu standart dasturiy ta’minot yamog‘idan farqli o‘laroq, qayta ishga tushirishni talab qilmasdan qo‘llanilishi mumkin bo‘lgan maxsus patch turi.
“Windows” uchun bu fonda, ish jarayonlarini to‘xtatmasdan operatsion tizimni qayta yuklamasdan yangilash imkoniyatini anglatadi.
Biroq, bunday yangilik faqat oylik operatsion tizim xavfsizlik yangilanishlari uchun amal qiladi. Yangi xususiyatlar va funksionallikni o‘z ichiga olgan yamoqlar hali ham kompyuterni qayta ishga tushirishni talab qiladi.
Qanday bo‘lmasin, kompyuterni qayta ishga tushirish soni hali ham kamayadi, bu foydalanuvchi tajribasiga foydali ta’sir ko‘rsatadi.
Avvalroq “Spot” “Windows 11"da suzuvchi vidjetlar paydo bo‘lishi haqida yozgandi.
Bunday vidjetlar ob-havo yoki foydalanuvchi uchun foydali bo‘lgan boshqa ma’lumotlarni ko‘rsatishi mumkin.
