“Windows 11"da video va audio yozuvlar uchun sun’iy intellekt qidiruvidan foydalanish mumkin bo‘ladi. Bu haqda “Kommersant” nashri xabar berdi.
Qayd etilishicha, “Microsoft” “Windows 11"da yangi “Smart Media Search” funksiyasini sinovdan o‘tkazmoqda.
Yangi funksiyaga ega operatsion tizimning beta-versiyasi allaqachon “Windows Insider” dasturi a’zolari uchun paydo bo‘lgan.
Aqlli qidiruv funksiyasi audio va video fayllarni transkripsiya qiladi. Mahalliy sun’iy intellekt algoritmidan foydalanib, foydalanuvchi so‘zlari asosida qurilmadan kerakli audio yoki videoni topishi mumkin.
Kelajakda foydalanuvchilar kerakli hujjatni topish uchun kalit so‘zlardan foydalanishlari mumkin bo‘ladi.
Yangi funksiya faqat Copilot+ PC brendi ostida ishlab chiqarilgan, kuchli NPUga ega Snapdragon X protsessorlari bilan jihozlangan qurilmalarda mavjud bo‘ladimi yoki “Microsoft” ushbu funksiyadan “Intel” va “AMD” protsessorlari bilan jihozlangan shaxsiy kompyuterlar egalari tomonidan foydalanishga ruxsat beradimi, hozircha noma’lum.
Avvalroq “Spot” “Windows 11"da kompyuterni qayta ishga tushirmasdan yangilash funksiyasi qo‘shilishi haqida yozgandi.
Qayd etilishicha, bu fonda, ish jarayonlarini to‘xtatmasdan operatsion tizimni qayta yuklamasdan yangilash imkoniyatini beradi.
Shuningdek, “Windows 11"da suzuvchi vidjetlar paydo bo‘lishi haqida xabar berilgandi.
Bunday vidjetlar ob-havo yoki foydalanuvchi uchun foydali bo‘lgan boshqa ma’lumotlarni ko‘rsatishi mumkin.
