Joriy yilning 9-sentabr kuni Rossiya bosh vaziri Mixail Mishustin O‘zbekiston bosh vaziri Abdulla Aripov bilan muzokaralar o‘tkazdi. Bu haqda Vazirlar Mahkamasi matbuot xizmati xabar berdi.
So‘nggi yetti yilda ikki mamlakat o‘rtasidagi tovar ayirboshlash hajmi 2,5 barobarga oshib, 2023-yilda $10 mlrdni tashkil etdi. Joriy yil boshidan buyon ko‘rsatkich 30%ga o‘sdi, kelgusi yillarda uni $30 mlrdga yetkazish ko‘zda tutilgan.
Qo‘shma investitsiya loyihalarining umumiy portfeli $60 mlrdga baholanmoqda, Rossiya ishtirokidagi korxonalar soni esa 3 mingdan oshdi. Hamkorlik energetika, tog‘-metallurgiya, to‘qimachilik, kimyo va boshqa sohalarni qamrab oladi.
Har ikki yo‘nalish bo‘yicha sayyohlar oqimi 1,2 mln nafardan oshdi. Xususan, o‘tgan yili Rossiyadan O‘zbekistonga 700 ming kishi yoki har o‘ninchi xorijiy sayyoh kelgan, deya qayd etdi Aripov.
Bundan tashqari, O‘zbekiston bosh vaziri mamlakatda Rossiya oliy o‘quv yurtlarining 14ta filiali faoliyat yuritayotganini ta’kidladi. Hozirda Bauman nomidagi Moskva davlat texnika universiteti va Butunrossiya tashqi savdo akademiyasining filiallarini ochishga tayyorgarlik ko‘rilmoqda.
Mishustin, o‘z navbatida, O‘zbekistonda yuqori texnologiyali sanoatning rivojlanishiga alohida e’tibor qaratdi. Toshkentdagi “Texnopark” majmuasi va u yerda olib borilgan ilmiy-tadqiqot va loyihalash ishlari Rossiya Bosh vazirida “taassurot qoldirgani"ni qayd etdi.
Mahalliy bozorda Rossiya bozorlarining faolligi tez sur’atlar bilan o‘sdi. Rossiya tomoni boshqa sohalarda ham hamkorlikni rivojlantirishni taklif qildi.
Xususan, O‘zbekistonda dronlarni ishlab chiqarishni yo‘lga qo‘yish rejalashtirilmoqda. Mishustin “fuqarolik aviatsiyasida uchuvchisiz uchish apparatlari va ularning komponentlarini ishlab chiqarishni mahalliylashtirish” imkoniyatlari o‘rganilayotganini qayd etdi.
Shuningdek, rossiyalik investorlar polimer materiallar ishlab chiqarishni tashkil etishni belgilashmoqda. Temir yo‘l muhandisligi quvvatlarini yaratish bo‘yicha “prinsipial qaror” allaqachon qabul qilingan.
Uchrashuv yakunida tomonlar “Agroekspress” loyihasini amalga oshirish bo‘yicha kelishuv imzoladilar. Bundan tashqari, O‘zbekiston va Rossiya o‘rtasida dori vositalarini markirovkalash kodlari almashinuvi yo‘lga qo‘yiladi.
Avvalroq Rossiyada xorijiy banklarning filiallarini ochishga ruxsat berilgani ma’lum qilingandi.
