“Qualcomm” kompaniyasi “Intel"ni sotib olishni rejalashtirmqoda.
“WSJ” va “NYT” ma’lumotlariga ko‘ra, “Qualcomm” inqirozga yuz tutayotgan va rekord darajada yo‘qotishlarga duchor bo‘layotgan “Intel” korporatsiyasiga biznesini sotib olish imkoniyati haqida murojaat qilgan.
“New York Times” ta’kidlashicha, “Qualcomm” hali “Intel"ga rasmiy taklifini yubormagan va bitim yo‘lida katta to‘siqlar qolmoqda.
Ikkala chip ishlab chiqaruvchilarning o‘lchamlari va ularning milliy xavfsizlik uchun ahamiyatini hisobga olgan holda, uni nazorat qiluvchi organlar diqqat bilan tekshirishlari kerak.
Bundan tashqari, “Intel” hozirda qayta tashkil etishni amalga oshirmoqda, uning doirasida quyish biznesini alohida kompaniyaga ajratmoqda.
“Qualcomm” “Intel"ni quyish biznesisiz sotib oladimi yoki bu korxonani ham olishni rejalashtiryaptimi, aniq emas, deb yozadi gazeta.
“Agar bitim amalga oshsa, qimmatga tushadi”, deb yozadi “NYT”.
O‘tgan yil davomida “Intel” aksiyalari qariyb 40%ga kamaydi, uning bozor kapitallashuvi $93 mlrdga baholanmoqda, aksincha, aksiyalari 55%ga oshgan “Qualcomm” esa $169 mlrdga baholanmoqda.
“WSJ” manbalari kelishuvga hali ancha vaqt borligini va uning potensial xulosasi rasmiylar e’tiborini jalb qilishini tasdiqlaydi, ammo bu chip ishlab chiqarishda AQShning raqobatdosh ustunligini mustahkamlash imkoniyati sifatida qaralishi mumkin.
Kelishuvga erishish uchun “Qualcomm” “Intel” aktivlari yoki uning qismlarini boshqa xaridorlarga sotishni rejalashtirishi mumkin.
“WSJ” shuningdek, kelishuv “Qualcomm"ga mobil telefon chiplari biznesini “Intel” chiplari bilan to‘ldirish imkonini beradi, deb hisoblaydi.
Avvalroq “Spot” “Intel” operatsion xarajatlarni kamaytirish uchun 19 mingga yaqin xodimni qisqartirishi haqida yozgandi.
Qayd etilishicha, bu kompaniyaning 2025-yilda $10 mlrddan ko‘proq tejashga yordam beradigan biznesni optimallashtirish rejasining bir qismidir.
