“Ford” kompaniyasi 2022-yilda ishlab chiqarilgan 16,5 mingdan ortiq mashhur “F-150” pikaplarini chaqirib olishini e’lon qildi.
Qayd etilishicha, bu safar chaqirib olish to‘xtash chiroqlari bilan bog‘liq muammo bilan bog‘liq — ular o‘tgan yilning mart va iyul oylarida chiqarilgan modellarda nazoratsiz miltillay boshlagan.
Ta’kidlanishicha, amerikalik ishlab chiqaruvchi o‘z avtomobillarida ikkinchi marta shunday muammoga duch kelmoqda. 2022-yilda kompaniya ushbu nosozlikni bartaraf etish uchun 77 mingdan ortiq avtomobilni chaqirib olishga majbur bo‘ldi.
Bu safar gap LED faralarini boshqarish modullari uchun tegishli dasturiy ta’minot yangilanishini olmagan 16 542 pikap haqida ketmoqda.
“Ford"ning ta’kidlashicha, kompaniya ushbu nosozlik bilan bog‘liq hodisalar haqida hech qanday xabar olmagan.
Shu bilan birga, ishlab chiqaruvchi “Ford” “F-150” pikaplari egalarini ehtiyot bo‘lishga chaqirdi. Modullarni almashtirish va sozlash bo‘yicha tegishli ko‘rsatmalar allaqachon dilerlarga yuborilgan.
Muammoli avtomobillar egalari joriy yilning 7−11-noyabr kunlari chaqirib olish kampaniyasi haqida pochta orqali xabardor qilinadi.
Avvalroq “Spot” “Ford” orqani ko‘rish kamerasidagi tasvir ishlamay qolgani sababli AQShda 144 mingga yaqin avtomobilni chaqirib olishi haqida yozgandi.
Gap AQShdagi 2022−2024 yillardagi “Ford Maverick” haqida bormoqda.
Avvalroq “Ford” 85 mingdan ortiq “Explorer” politsiya avtomobillarini chaqirib olishi haqida xabar berilgandi.
Chunki quvvat blokining ishdan chiqishi dvigatel bo‘linmasiga yog‘ va yoqilg‘ining sizib chiqishiga va keyinchalik ularning o‘z-o‘zidan yonib ketishiga olib kelishi mumkin.
Ta’kidlanishicha, gibrid v6 dvigatellari bilan jihozlangan 2020−2022 yillardagi Amerika avtomobillari, agar dvigatel ishlamay qolsa, yonib ketish xavfi mavjud.
