Toshkentdagi “Maqom bar” 7-oktabrdan yopiladi. Muassasa hammuassisi Marina Ten “Spot” muxbiriga bu ma’lumotni tasdiqladi, biroq barning yopilishi sababini izohlashdan bosh tortdi.
“Maqom Bar"ning “Instagram"dagi sahifasidagi postlarga ko‘ra, xayrlashuv kechalari 4 va 5-oktabr kunlari o‘tkazilishi belgilangandi. 5-oktabrda e’lon qilingan postda ““Maqom bar"da o‘tkazilishi mumkin bo‘lgan 2 kun (shanba va yakshanba — “Spot” izohi) qoldi” deyilgan. Shunday qilib, keyingi haftadan boshlab muassasa faoliyat yuritmaydi.
Savdo-sanoat palatasining iyun oyida umumiy ovqatlanish sohasi tadbirkorlari bilan o‘tkazilgan muloqotida “Maqom Bar"ning boshqaruvchi hamkori Alina Simerman muassasa yozgi ayvonining majburiy yopilishi kassa apparatlarining 50%ga pasayishiga va xodimlar sonining qisqarishiga olib kelganini ma’lum qildi.
“Ayvonimiz yopilishi bilan „Maqom Bar“ daromadi 50%ga tushib ketdi, garchi o‘tgan yili aylanmamiz 10 mlrd so‘mdan oshib, daromad solig‘i stavkasi pasaytirilgandi. Afsuski, bu yil biz buni uddalay olmasligimiz mumkin”, — degandi o‘shanda restorator.
Bundan tashqari, Alina Simerman yozgi terraslarga ega bo‘lgan boshqa muassasalarga nisbatan stollar sonining kamayishi va raqobatbardoshlikning mavjud emasligi sababli ish joylarini qisqartirish rejalarini e’lon qilgandi.
2022-yilning oktabr oyida “Spot” “Muvaffaqiyatsizlik qiymati” ruknida Marina Ten bilan qanday qilib $550 ming yo‘qotib, keyin bitta stuldan muvaffaqiyatli biznes qurish haqida suhbatlashgandi.
Avvalroq Taras Shevchenkodagi “gastronomik” ko‘cha ochilishi 10-oktabrga ko‘chirilgani haqida xabar berilgandi.
