AQShning Boston universiteti “Trustee Scholarship” stipendiya dasturiga arizalar qabul qilmoqda.

Unda butun dunyodan nomzodlar bakalavr darajasi uchun ishtirok etishlari mumkin. Grant har yili 20ga yaqin iqtidorli talabalarga ajratiladi.

Dasturda ishtirok etish uchun oldin universitetning bakalavriat dasturlaridan biriga qabul qilingan bo‘lish zarur. Universitet qabul jarayoni bilan batafsil bu yerda tanishish imkoni mavjud.

Universitet qabuliga arizalarni “Common Application” orqali jo‘natish zarur. Bunda arizaning bir qismi sifatida grant uchun ikkita mavzudan birida 600ta so‘zdan iborat insho yozish kerak.

Kerakli hujjatlar:

  • maktab attestati yoki kollej/litsey diplomi hamda baholar;
  • tavsiyanoma va maktab hisoboti;
  • Ingliz tilini bilish darajasini tasdiqlovchi hujjat;
  • moliyaviy hujjatlar;
  • pasport yoki ID-karta nusxasi.

Qabul qilingan talabalar to‘liq o‘qish to‘lovidan va majburiy boshqa to‘lovlardan ozod etiladi. Agar birinchi bosqich davomida akademik ko‘rsatkichlar ma’lum mezonlarga javob bersa, grant to‘rt yilgach uzaytirilishi mumkin.

Arizalar joriy yilning 1-dekabrigacha qabul qilinadi. Grant va insho mavzulari haqida batafsil ma’lumot bu yerda.

Foydali havolalar:

Shuningdek, universitetda mavjud yo‘nalishlar bilan bu yerda tanishish mumkin.

Avvalroq Janubiy Koreya instituti KAIST stipendiya dasturiga arizalar qabul qilayotgani haqida xabar berilgandi.