Migrantlarni faol yollayotgan Rossiya kompaniyalarining yarmidan ko‘pi turli qiyinchiliklarga duch kelmoqda, deb yozadi “Kommersant”.
hh.ru saytiga ko‘ra, kompaniyalarning 53%i chet eldan jalb qilingan ishchi kuchi etishmasligini ta’kidlamoqda. Ish beruvchilarning qolgan qismi (46%) migrantlarni yollashning hozirgi hajmidan ma’lum darajada qoniqishadi.
Ko‘pincha ishchilar (53%), quruvchilar (35%), texnik xizmat ko‘rsatish (25%) va ishlab chiqarish xodimlari (23%) talab qilinadi.
Kompaniyalarning 56%i uchun asosiy muammo mehnat bozorida zarur mutaxassislarning yo‘qligi hisobalanadi. Ularning 38%i bo‘sh ish o‘rinlari uchun da’vogarlar rus tili imtihonidan o‘ta olmasligi yoki uni topshirishning qisqa muddatini muammo deb atashgan.
Kompaniyalarning 20%i chet elliklarni kerakli mutaxassislik bo‘yicha ishga jalb qilishning Rossiya hukumati tomonidan taqiqlanishini to‘sqinlik deb hisoblaydi.
Shuningdek, kompaniyalarning bir xil ulushi ularga chet ellik ishchilarni kerakli mutaxassislik bo‘yicha yoki umuman kompaniya faoliyati sohasida jalb qilishni taqiqlash to‘sqinlik qilayotganini aytdi.
Mehnat muhojirlarini ishga olishda muammosi bo‘lmagan kompaniyalarda ko‘pincha MDH va YeOII (48%), Yevropa Ittifoqi (33%), Osiyo (29%), Afrika va Yaqin Sharq (har biri 10%) mutaxassislari ishlaydi.
Migratsiya siyosatini qattiqlashtirish
Ayni paytda Rossiya ichki migratsiya siyosatini kuchaytirmoqda. Masalan, mart oyida Rossiya Mehnat vazirligi o‘z mutaxassisligidan tashqari ishlayotgan mehnat muhojirlarini deportatsiya qilishni va ularni vaqtinchalik ishlash uchun maxsus hujjat olishga majburlashni taklif qilgan edi.
“Bundan tashqari, agar bunday xodim tashkiliy ishga qabul qilish ishtirokchisi bo‘lmagan boshqa korxonada ishlash istagini bildirsa, u 15 kun ichida Rossiya hududini tark etishi kerak”, deyiladi xabarda.
Aprel oyida Rossiya Ichki ishlar vazirligi migrantlarning yil davomida qolish muddatini 90 kungacha qisqartirishni taklif qilgan edi. Chet elliklar bo‘lish qonuniyligini elektron tasdiqlamasdan turib, ularning huquqlari cheklanishi mumkin.
Iyun oyida prezident matbuot kotibi Sherzod Asadov 2016-yildan beri Rossiyadagi o‘zbekistonlik mehnat muhojirlari soni to‘rt baravar kamayganini ta’kidlagan edi. U bir necha million o‘zbek fuqarolarining o‘z vataniga qaytishini “o‘tkazilayotgan iqtisodiy islohotlar samaradorligi” bilan izohlaydi.
Iyul oyida Rossiya Davlat dumasi mamlakatda bo‘lish uchun qonuniy asosga ega bo‘lmagan xorijiy fuqarolarni chiqarib yuborishning yangi tartibi to‘g‘risidagi qonunni qabul qildi.
Sentabr oyida Moskva aeroportlarida 1-oktabrdan xorijliklar uchun qo‘shimcha tekshirish joriy etilishi haqida ma’lum qilindi.
Qayd etilishicha, Domodedovo, shuningdek, Sheremetevo va Vnukovo aeroportlarida Rossiyaga kelish va jo‘nab ketishda chet elliklarni suratga va barmoq izlarini olish tartibi ishga tushiriladi.
Bundan tashqari, mehnat muhojirlariga oilalarini mamlakatga olib kelishni taqiqlovchi qonun loyihasi tayyorlanmoqda.
“Qarindoshlar va oilalarga kelsak, ular migrant kelgan mamlakatda kutishlari kerak”, dedi Rossiya Davlat Dumasi raisi Vyacheslav Volodin. “Bu yerga hammani tashishning hojati yo‘q”, deya qo‘shimcha qildi u.
Avvalroq “Spot” yil davomida mehnat bozorida raqobat sezilarli darajada oshgani haqida yozgandi.
hh.uz platformasida 400 mingdan ortiq rezyumelar faol bo‘lib, bir qator sohalarda ularning soni ikki baravar ko‘paydi.
