Sentabr oyida avtomobil bozorida sotuvlar pasaydi. Bu haqda Iqtisodiy tadqiqotlar va islohotlar markazi tahlilida keltirilgan.
O‘tgan oy yakunlariga ko‘ra, avtotransport vositalarining umumiy savdosi 110,1 ming donani tashkil etdi, bu o‘tgan oyga nisbatan 1,1%ga kam. Faollikning sezilarli pasayishi yillik hisobda 25,5% kuzatilmoqda.
Yengil avtomobillar bozorida sentabr oyida savdo 0,3%ga pasaydi va 101,6 ming donani tashkil etdi.
O‘tgan yilga nisbatan sezilarli pasayish kuzatilmoqda: yengil avtomobillar savdosi 25,5%ga kamaydi.
Hududlar bo‘yicha yengil avtomobillar savdosi shuni ko‘rsatadiki, sentyabr oyida eng katta pasayish Andijon — 9,1%, Qashqadaryo — 7,9% va Toshkent — 7,7% viloyatlarida qayd etilgan.
Joriy yilning III choragida avtomobillar savdosi 295,6 mingtani tashkil etdi, shu davrga nisbatan yillik pasayish 26,8%ni tashkil etdi.
Birlamchi avtomobil bozoridagi vaziyat
Yengil avtomobillar birlamchi bozorida sotuvlar o‘tgan oyga nisbatan 10,3%ga oshdi, bu avvalgi oyga nisbatan qariyb 3,8 mingta avtomobilni tashkil etadi. Yillik ko‘rsatkichlarda faollik barqarorlashmoqda, avgust oyida savdoning pasayishi 1% darajasida bo‘lsa, sentyabr oyida 7,7% o‘sish kuzatildi.
Mahalliy ishlab chiqarilgan yangi avtomobillar savdosi o‘sishda davom etmoqda. Sentyabr oyida sotuvlar 10,8%ga o‘sib, 37,6 mingta avtomobilni tashkil etdi. Yillik hisobda o‘sish 12% ni tashkil yetdi.
Xorijiy yengil avtomobillar
Avgust oyida ushbu segmentdagi savdo 25,6%ga oshgan bo‘lsa-da, sentabr oyida o‘sish 4,5%ga sekinlashdi va 3,3 ming donani tashkil etdi.
Yengil avtomobillarning ikkilamchi bozori
Yengil avtomobillarning ikkilamchi bozoridagi vaziyat sotuvlar o‘sishining sekinlashishini ko‘rsatdi va sotish hajmining yillik pasayishi tendensiyasini saqlab qoldi.
Xususan, sentyabr oyida avtomobillar ikkilamchi bozoridagi faollik o‘tgan oyga nisbatan 6,3%ga kamaydi. Hisobot davrida ushbu segmentda 60,5 mingta avtomobil sotilgan. Umuman olganda, yil davomida sotuvlar 38,4%ga kamaydi.
Elektromobillar bozori
Yengil elektromobillar vositalari segmenti faollikning oshishini ko‘rsatadi. Sotish hajmi rekord darajada 2,4 baravar oshdi, bu butun kuzatuv davridagi eng katta o‘sishdir.
Sentabr oyida 4,24 mingta elektromobillar sotilgan, avgust oyida esa 1,7 ming dona sotilgan.
Hududlar bo‘yicha savdolarning eng katta o‘sishi Toshkent shahrida — 3180 dona, Toshkent — 285 dona va Andijon viloyatlarida — 119 dona qayd etildi.
Yillik o‘lchovda elektr transport vositalarining savdosi deyarli 17%ga oshdi. Shu yilning uchinchi choragida yengil elektr transport vositalarini sotish 9,3 mingtani tashkil etdi va o‘tgan yilning shu davriga nisbatan 5,6%ga kamaydi.
