“Google” maxfiylik va xavfsizlikni yaxshilash uchun “Messages” ilovasiga bir nechta yangi funksiyalarni qo‘shmoqchi. Bu haqda kompaniya rasmiy blogida ma’lum qildi.
Endi foydalanuvchilar uchun soxta xabarlarni aniqlash osonroq bo‘ladi va ular zararli havolalar haqida ham ogohlantirish oladi.
Machine learning texnologiyasidan foydalangan holda “Google” firibgarlikni aniqlash funksiyasini takomillashtirdi — endi xabar matnlarini yanada samaraliroq tahlil qilish va firibgarlar tomonidan yozilishi mumkin bo‘lgan matnlarni aniqlash mumkin bo‘ladi.
Bunday xatlar avtomatik ravishda spamga o‘tkaziladi. Kompaniyaning ta’kidlashicha, ishlov berish foydalanuvchi qurilmasida amalga oshiriladi va ma’lumotlar masofaviy serverlarga o‘tkazilmaydi.
Kompaniya, shuningdek, boshqa mamlakatlardan kelgan xabarlarni blokirovka qilishga ruxsat beradi va nomaqbul kontent, masalan, erotik kontent haqida ogohlantiradi.
Kontaktni tekshirish funksiyasidan foydalanib, xabar soxta manzildan emas, haqiqiy manzildan yuborilganligiga ishonch hosil qilish mumkin.
Hozirda yangi funksiyadan Hindiston, Tailand, Singapur va Malayziyadagi ilovaning beta-versiyasi foydalanuvchilari foydalanishi mumkin.
Qayd etilishicha, kompaniya yil oxirigacha funksiyani barcha foydalanuvchilarga taqdim etishni rejalashtirmoqda.
Avvalroq “Spot” “Google” “Gemini Live” ovozli yordamchisini barcha Android foydalanuvchilari uchun taqdim etgani haqida yozgandi.
Qayd etilishicha, endi foydalanuvchilar ovozli yordamchidan bepul foydalanishlari va erkak yoki ayol ovozini tanlashlari mumkin.
