Oliy Majlis Senati Xalqaro mehnat tashkilotining haq to‘lanadigan ta’tillar to‘g‘risidagi konvensiyasini ratifikatsiya qilish to‘g‘risidagi qonun loyihasini ma’qulladi. Bu haqda parlament yuqori palatasi matbuot xizmati xabar berdi.
Pullik ta’tillar to‘g‘risidagi konvensiya 1970-yilda Jenevada qabul qilingan. Uning asosiy maqsadi dam olish huquqini amalga oshirish uchun barcha xodimlarga ish joylari va ish haqini saqlab qolgan holda ishdan bo‘shatilgan holda ta’til berishdir.
Avgust oyida Oliy Majlis Qonunchilik palatasi tegishli qonunni uchinchi o‘qishda ma’qullagandi.
Hujjatga ko‘ra, barcha xodimlar belgilangan eng kam davomiylik, uch haftadan kam bo‘lmagan yillik to‘lanadigan ta’til olish huquqiga ega.
Agar xodim yil davomida to‘liq ta’til uchun zarur bo‘lgan vaqtdan kamroq ishlagan bo‘lsa, u ishlagan vaqtiga mutanosib ravishda ta’til olish huquqiga ega. Ta’til huquqi uchun ishning minimal muddati olti oydan oshmasligi kerak.
Bundan tashqari, mehnatga layoqatini tiklash va mehnat sharoitlarini yaxshilashga yordam beradigan ish sohasidan qat’i nazar, barcha xodimlarga ta’til berilishi kerak.
Konvensiyaga a’zo mamlakatlarning vakolatli organlari ta’tillarni tarkibiy qismlarga ajratishni tartibga solish huquqiga ega. Agar mehnat shartnomasida boshqacha tartib nazarda tutilgan bo‘lmasa, ta’tilning bir qismi kamida ikki hafta davom etishi kerak.
Bugungi kunda Konvensiya 38ta davlat tomonidan ratifikatsiya qilingan. Ular orasida Rossiya, Belarus, Armaniston, Ozarbayjon, Vengriya, Germaniya, Finlandiya, Chexiya, Shveysariya va Shvetsiya bor.
Avvalroq “Spot” O‘zbekiston XMTning to‘liqsiz ish vaqti to‘g‘risidagi konvensiyasini ratifikatsiya qilayotgani haqida yozgandi.
Hujjat to‘liqsiz ish vaqtida ishlovchilarni ish haqi va ijtimoiy ta’minot sohasida kamsitishlardan himoyalashga qaratilgan.
Joriy yilning fevral oyida Xalqaro mehnat tashkilotining ish haqini himoya qilish to‘g‘risidagi konvensiyasini ratifikatsiya qiluvchi qonun ma’qullangandi. Undan keyin, mart oyida prezident tomonidan mazkur qonun qabul qilindi.
