“Apple” iOS 18.2ning birinchi sinov tizimini taqdim etdi. Bu haqda “hi-tech.mail” nashri xabar berdi.
U ko‘plab yangi xususiyatlarga ega, ularning aksariyati sun’iy intellekt bilan bog‘liq. Taxminlarga ko‘ra, iOS 18.2'ning reliz versiyasi 2024-yilning noyabr oyida chiqariladi.
Nima yangiliklar bor?
- “Siri” “ChatGPT” bilan ishlashni o‘rgandi — “Siri” javob bera olmasa, yordamchi so‘rovlarni “ChatGPT"ga o‘tkazadi;
- Image Playground — matn so‘rovlari asosida tasvirlarni yaratish vositasi paydo bo‘ldi;
- Image Wand — iPad’da Notes ilovasi endi tegishli tasvirlarni yaratish uchun eskizlar chizishi yoki matnni ajratib ko‘rsatishi mumkin.
- Genmoji — endi matn yoki fotosuratlar asosida o‘z kulgichlaringizni yaratishingiz mumkin;
- Visual Intelligence — kamera ko‘rsatgan obyektlar haqidagi ma’lumotlarni ko‘rsatadigan parametr qo‘shildi (iPhone 16 bilan ishlaydi).
Shuningdek, standart Pochta ilovasi yangilandi. Endi u elektron pochta xabarlarini toifalarga saralaydigan aqlli papkalarga ega bo‘ldi.
Foydalanuvchilar endi pochta, parolni saqlash, xabar almashish va qo‘ng‘iroqlar uchun uchinchi tomon ilovalarini sukut bo‘yicha o‘rnatishlari mumkin.
Endi Yevropa Ittifoqi foydalanuvchilariga Kamera, Rasmlar, Telefon, Safari va Xabarlar ilovalarini o‘chirishga ruxsat berildi.
iOS 18.2 beta 1 hajmi 2,5 GBdan 7 GB gacha (iPhone modeli va joriy operatsion tizim versiyasiga qarab). Test to‘plamini o‘rnatish uchun “Sozlamalar” — “Asosiy” — “Dasturiy ta’minotni yangilash” rukniga kirish, keyin “Beta-yangilashlar” tugmasini bosish, “iOS 18 Developer Beta” ni tanlash, orqaga qaytish va tizimning beta versiyasini o‘rnatish kerak.
