Raqobatni rivojlantirish va iste’molchilar huquqlarini himoya qilish qo‘mitasi “Yandex Eats” va “Express24” raqamli platforma operatorlarining ustun (monopol) mavqeini tan oldi. Bu haqda qo‘mita matbuot xizmati xabar bermoqda.
Qo‘mitaqaroriga ko‘ra, “YandexGo UB” taksi agregator bozorida, “Yandex Eats va Express24” esa tayyor oziq-ovqat yetkazib berish bozorida ustun mavqega ega kompaniya sifatida tan olingan.
Raqobat qo‘mitasi ustun mavqega ega bo‘lgan xo‘jalik yurituvchi subyektlar ro‘yxatiga kiritilish sabablari sifatida “YandexGo UB” va “Yandex Eats” kompaniyalarining bozor ulushining 40%dan oshib ketgani haqidagi bildirishnomalarini keltirdi.
Boshqarmaning ta’kidlashicha, ustun mavqega ega bo‘lgan raqamli platformalarni suiiste’mol qilishning oldini olish maqsadida monopoliyaga qarshi muvofiqlik tizimi mutlaq joriy etilishi va nazorat o‘rnatilgan tartibda amalga oshiriladi.
“Ushbu bitim monopoliyaga qarshi organning dastlabki roziligini olish talablariga javob bermaydi, chunki korxonalarning aksiyalari (ulushlari) sotib olinmagan va qo‘shib olish yoki qo‘shib yuborish amalga oshirilmagan”, — deya izoh berdi Raqobat qo‘mitasi.
Bundan tashqari, boshqarma tomonidan aktivlarni olish uchun dastlabki rozilik olish tartibini takomillashtirish maqsadida qonun hujjatlariga o‘zgartish va qo‘shimchalar kiritish yuzasidan ilmiy-tadqiqot ishlari olib borilmoqda.
Avvalroq “Spot” Raqobat qo‘mitasi yana ikkita paxta klasterini narxlarni manipulyatsiya qilishda ayblagani haqida yozgandi.
Qo‘mita “White Gold Klaster” kompaniyasi birjani chetlab o‘tib mahsulot sotishdan 93 mlrd so‘mga yaqin daromad olganini aniqladi.
