Uchinchi chorak yakunlari: O‘zbekiston banklari qancha foyda ko‘rdi?

“Spot” O‘zbekiston banklarining 2024-yilning uchinchi choragiga oid moliyaviy hisobotlarini o‘rganib chiqdi va ko‘pchiligi oktabr oyiga kelib, bu davrni ijobiy natija bilan yakunlaganini aniqladi.

Ko‘plab mahalliy banklar davlatga tegishli bo‘lib, ular nafaqat tijorat muassasasi sifatida, balki rivojlanishga yo‘naltirilgan tashkilotlar sifatida ham faoliyat yuritadi. Bu ularning davlat tomonidan sezilarli darajada qo‘llab-quvvatlanishini bildirib, sof bozor sharoitida daromadliligini obyektiv baholashni qiyinlashtiradi.

Uchinchi chorakda quyidagi 9ta bank eng daromadli bo‘ldi:

1. “O‘zmilliybank” — 1,3 trln so‘m;
2. “Hamkorbank” — 1,04 trln so‘m;
3. “Kapitalbank” — 921,8 mlrd so‘m;
4. “O‘zsanoatqurilishbank” — 801,6 mlrd so‘m;
5. “Orient Finance bank” — 688,7 mlrd so‘m;
6. “Ipak Yo‘li Bank” — 682,2 mlrd so‘m;
7. “Trastbank” — 554,3 mlrd so‘m;
8. “KDB Bank” — 392,9 mlrd so‘m;
9. “Asia Alliance bank” — 307,4 mlrd so‘m.

Quyidagi 8ta bank 100 mlrd so‘mdan 300 mlrd so‘mgacha foyda olgan:

1. “Davr bank” — 286,2 mlrd so‘m;
2. “TBC bank” — 274,4 mlrd so‘m;
3. “Xalq banki” — 222,2 mlrd so‘m;
4. “Ipoteka bank” — 189,2 mlrd so‘m;
5. “InFinBank” — 153,3 mlrd so‘m;
6. “Universal bank” — 125,9 mlrd so‘m;
7. “Octobank” — 112,9 mlrd so‘m;
8. “Anor bank” — 100,5 mlrd so‘m;

Navbatdagi 7ta bank 10 mlrd so‘mdan 100 mlrd so‘mgacha foyda ko‘rdi:

1. “Asakabank” — 64,7 mlrd so‘m;
2. “Ziraat bank” — 64,1 mlrd so‘m;
3. “Turonbank” — 32,6 mlrd so‘m;
4. “Uzum bank” — 32,4 mlrd so‘m;
5. “Agrobank” — 22 mlrd so‘m;
6. “Aloqabank” — 21,2 mlrd so‘m;
7. “Poytaxt bank” — 11,4 mlrd so‘m.

Quyidagi 3ta bank esa 10 mlrd so‘mgacha foyda oldi:

1. “Smart bank” — 2,55 mln so‘m.
2. “Garant bank” — 1,4 mlrd so‘m;
3. “Tenge bank” — 921 mln so‘m.

Shuningdek, quyidagi 6ta bank bu davrni zarar bilan yakunlagan:

1. “Yevroosiyo banki” — 12,5 mlrd so‘m;
2. “Yangi Bank” — 16,2 mlrd so‘m;
3. “Hayot bank” — 22,5 mlrd so‘m;
4. “Apex bank” — 29,1 mlrd so‘m;
5. “AVO bank” — 83,4 mlrd so‘m;
6. “Biznesni rivojlantirish banki” — 279,06 mlrd so‘m.

Ayni paytda “Saderat bank”, “Mikrokreditbank” kabi bir qator banklarning foydasi bo‘yicha ma’lumotlar mavjud emas. Agar banklarning moliyaviy hisobotlari e’lon qilinsa, ro‘yxat yangilanadi.

Avvalroq Markaziy bank O‘zbekiston iqtisodiyoti 2027-yilgacha qanday rivojlanishi bo‘yicha uchta — asosiy, muqobil va xatarli ssenariyni taqdim etgani haqida xabar berilgandi.