Toshkent hokimligi issiqxona xo‘jaliklari va poytaxtga tutash hududlarda faoliyat yuritayotgan boshqa obyektlarda ekologik reydlar o‘tkazilayotganini ma’lum qildi.
Sayyor tekshiruvlar korxonalarning isitish uchun “tegishli energiya resurslari"dan foydalanishiga taalluqli. Ularni Ekologiya boshqarmasi, O‘zgidromet, Favqulodda vaziyatlar vazirligi, Ichki ishlar vazirligi, kadastr va soliq organlari xodimlari ishtirokida ishchi guruhlar o‘tkazmoqda.
Ishchi guruhlar a’zolari ekologik me’yorlarning buzilishini maxsus uskunalar yordamida qayd etadilar. Ular aniqlangan taqdirda, faoliyatni vaqtincha to‘xtatishgacha bo‘lgan “hal qiluvchi choralar” ko‘riladi.
Issiqxona xo‘jaliklari qozonlarga kulni ushlab qolish uchun filtrlar o‘rnatishi kerak, deya eslatdi hokimlik.
O‘ziga xos hid va havo rangini o‘zgartiradigan boshqa materiallardan, masalan, shinalar yoki yoqilg‘i moyi (pech yoqilg‘isi)dan foydalanadigan korxonalarga mavjud uskunalarni filtrlar o‘rnatilgan holda ko‘mirga almashtirish talabi qo‘yildi.
Aks holda, bunday korxonalar og‘ir ekologik vaziyat yuzaga kelgan yillarda o‘z faoliyatini vaqtincha to‘xtatib turishga majbur bo‘ladi.
Qattiq yoqilg‘i asosida isitish uchun ichki yonuv tizimlaridan foydalanadigan barcha obyektlar alohida hisobga olindi va reyestrga kiritildi. Isitish mavsumi davomida ularda maxsus guruhlar tomonidan rejadan tashqari tekshiruvlar o‘tkaziladi.
Atmosferani ifloslantirishi mumkin bo‘lgan barcha obyektlar: issiqxonalardan tortib umumiy ovqatlanish korxonalarigacha, shu jumladan ochiq olovda taom tayyorlanadigan muassasalar ham nazoratga olindi.
Shahar ma’muriyati barcha shahar aholisini poytaxtdagi ekologik vaziyatga e’tibor qaratishga va ifloslanishning oldini olish choralarini ko‘rishga chaqiradi.
O‘z navbatida, hokimiyat faoliyatni me’yorlashtirish va zamonaviy ekologik talablarga moslashtirish bo‘yicha maslahat yordami ko‘rsatishga tayyorligini bildirdi.
Shavkat Mirziyoyev sentabr oyida havo sifatini yaxshilash bo‘yicha chora-tadbirlarni tasdiqladi. Rejaga Yevro-4 dan past standartlardagi benzin va dizel yoqilg‘isidan voz kechish bilan bir qatorda, issiqxonalar uchun filtrlarni o‘rnatish uchun subsidiyalar, shuningdek, poytaxtda isitish uchun mazutdan foydalanishni taqiqlash kiradi.
Ekologiya vazirligi va boshqa idoralar ham joriy yil boshida Toshkent yaqinidagi issiqxonalarda tekshiruvlar o‘tkazgandi. Ular davomida isitish uchun avtomobil shinalaridan foydalanish holatlari, shuningdek, filtrlarning nosozligi haqida xabar berilgan.
Avvalroq “Spot” Issiqxonalarga tabiiy gaz uchun oldindan to‘lovning 50%ini to‘lashga ruxsat berilgani haqida yozgandi.
Bu oktabr, noyabr va dekabr oylari uchun amal qilib, qolgan qismini oy yakunigacha to‘lash mumkin. Keyingi oylardan esa 100% oldindan to‘lov qilish kerak.
Endi “Hududgazta'minot” hamda “Hududiy elektr tarmoqlari” bosim tushishi yoki uzilishlar haqida issiqxona va muzlatkichli omborxonalarni kamida 24 soat oldin xabardor qiladi:
