“YouTube” videosi “Shorts"ga o‘xshash uzun videolarni ko‘rishning yangi formatini sinovdan o‘tkazmoqda.
Qayd etilishicha, yuqoriga siljitilgandan so‘ng, avtomatik tarzda ijro etiladigan keyingi video paydo bo‘ladi. Ushbu yangilik kontent tavsiyalarining yangi tizimini joriy etish bo‘yicha tajriba doirasida sinovdan o‘tkazilmoqda.
“YouTube"ning ta’kidlashicha, “Android"dagi foydalanuvchilarning kichik guruhi tajribada ishtirok etmoqda, bu ularga yangi videolarni to‘liq ekranda ham, portret rejimida ham ijro etish uchun yuqoriga surishga imkon beradi.
Yangi funksiya “YouTube"da kontentni tomosha qilish yondashuvini o‘zgartirishi mumkin. Endi foydalanuvchilar sarlavha va muqovalar, shuningdek, tavsiyalar va obunalar asosida videolarni tanlaydilar.
“TikTok” formatini nusxalaydigan qisqa “Shorts” videolari bo‘lsa, foydalanuvchilar yangi videolarni ko‘rish uchun lentani aylantirishlari kifoya.
Bunday format foydalanuvchining sa’y-harakatlarini minimallashtiradi va algoritmni afzalliklarga tez moslashtirish imkonini bergani uchun samaraliroq hisoblanadi.
Biroq, bu “YouTube"ning ekotizim sifatidagi formatini butunlay o‘zgartirishi mumkin.
Avvalroq “Spot” “YouTube” “Shorts” formatidagi videolar davomiyligini uzaytirishi haqida yozgandi.
Qayd etilishicha, 15-oktabrdan boshlab “Shorts"ning maksimal davomiyligi bir daqiqadan uch daqiqagacha oshiriladi.
