“Telegram” jamoasi messenjerning yangi versiyasini taqdim etdi.
Butun ekran rejimi
Mini ilovalar endi vertikal yoki gorizontal holatda butun ekrandan foydalanishi mumkin — bu ilovalarga ko‘proq o‘yin janrlarini kengaytirilgan ishoralar va interfeyslar bilan dastaklash imkonini beradi.
Qurilma harakati trekingi
Mini ilovalar o‘yinlarga unikal boshqaruvlar qo‘shish yoki maroqli VR taassurotlarini yaratishuchun qurilmangiz harakati haqida axborot olish imkoniyatiga ega.
Dasturchilar agar ularning ilovalari boshqaruv uchun qurilma harakatidan foydalansa, keraksiz aylanishlarning oldini olish uchun ekran holatini qulflashi mumkin.
Bosh ekran yorliqlari
Endi qurilmaning bosh sahifasiga muayyan mini ilovalarga bevosita yorliqlarni joylashtirish mumkin. Bu sevimli o‘yinlar va xizmatlaringizga bir marta bosish bilan kirish imkonini beradi.
Geolokatsiya ruxsati
Endi mini ilovalarga joylashuv axborotini ulashish mumkin — bu dasturchilarga qiziqarli joylar bilan joylashuvga asoslangan o‘yinlar yoki tadbirlar uchun interaktiv xaritalar yaratish imkonini beradi.
Joylashuv maʼlumotlariga ruxsat birlamchi sozlamalarda faolsizlantirilgan — ushbu maʼlumotlarni ulashmoqchi bo‘lgan har bir alohida mini ilovaga joylashuv ruxsatini maxsus berish kerak.
Ilovalardan hadyalar
Ilovalar endi yutuqlarni nishonlash maqsadida mukofot sifatida sizga hadyalar yuborish uchun yulduzlaridan foydalanishi mumkin.
Shuningdek, profilda chiqadigan hadyalarni kimlar yuborishi mumkinligini boshqarish imkonini beruvchi yangi maxfiylik sozlamasi qo‘shildi.
Ilovalardan emoji statuslar
Bu yangilanish bilan “Telegram Premium” foydalanuvchilari mini ilovalar ichidan emoji statuslarni belgilashi mumkin. Masalan, foydalanuvchi boshqalarga o‘yin o‘ynayotgani yoki taksida ketayotgani ko‘rsatishi mumkin.
Mini ilovalar musiqa tinglashni boshlaganda , kitob ochganda yoki film yoqqanda emoji statusni darhol yangilash uchun boshqa xizmatlar APIlarni integratsiya qilishi mumkin.
Joylashuv ruxsatlariga ega ilovalar ham ishda yoki ofisdan tashqarida bo‘lganda statusni yangilash uchun ishlatilishi mumkin.
Dasturchilar o‘z maxsus emojilar to‘plamlarini yaratishi va ularni ko‘proq foydalanuvchilarni jalb qilish uchun taklif qilishi mumkin.
Media ulashish
Endi bevosita mini ilovalardan media ulashish mumkin. Bu funksiya yordamida istalgan chatda referal kodlari yuborish, maxsus memlar yaratish va boshqa imkoniyatlardan foydalanish qulay.
Mini ilovalar hikoyalarga joylash uchun media yaratishi ham mumkin.
Hujjatlar yaratish
Mini ilovalar AI tomonidan yaratilgan profil rasmlari yoki audio fayllar kabi yuklab olishingiz mumkin bo‘lgan hujjatlar va fayllarni ham yaratishi mumkin.
Obuna tariflari
Dasturchilar o‘z loyihalarini monetizatsiya qilish uchun mini ilovalarida “Telegram Yulduzlar” evaziga obunalarni taklif qilishi mumkin. Kontent va funksiyalarga turli darajadagi ruxsat uchun bir nechta tarif yaratish mumkin.
Telegram yulduzlari raqamli mahsulotlar va obunalar orqali qo’lga kiritilgan bo’lsa, ilova uchun xabar cheklovlarini oshirish yoki mukofotlarni olish uchun ishlatilishi mumkin.
Dasturchilar, shuningdek, botlar va mini ilovalar da Telegram reklamalari orqali mukofotlar olish huquqiga ega.
Yuklash ekranini sozlash
Dasturchilar mini ilovalarining yuklanish ekranini @BotFather da yanada moslashtirishlari mumkin — ilova yuklanishni boshlashidan oldin ko‘rsatiladigan o‘zlarining ikonkalari va maxsus ranglarini qo‘shish orqali.
Qurilma apparat qismi axborotlari
Grafikani yaxshiroq optimallash va unumdorlikni oshirish uchun mini ilovalar qurilmangizning asosiy apparat maʼlumotlariga, masalan, uning qayta ishlash quvvati va xotira sig‘imiga kirishi mumkin. Dasturchilar ushbu maʼlumotlardan foydalangan holda barcha foydlanuvchilari uchun ravonroq taassurotni taqdim etish uchun sozlamalarni avtomatik sozlashi mumkin.
