“AWS User Group Tashkent” hamjamiyati ishlab chiquvchilar uchun bepul seminar o‘tkazilishini ma’lum qildi.

Tadbir “DynamoDB” — “Amazon Web Services” paketidan ma’lumotlar bazasini saqlash tizimiga bag‘ishlangan.

Ishtirokchilar mahsulot kataloglari bo‘yicha qidiruvni tashkil etish vositasidan foydalanishni o‘rganishlari mumkin.

Vorkshop dasturiga quyidagilar kiradi:

  • OpenSearchda DynamoDB jadvalidan ma’lumotlarni uzatishni tashkil etish;
  • OpenSearch Service’da Amazon Bedrock bilan aloqa o‘rnatish;
  • vektorli ombor sifatida OpenSearchdan foydalangan holda Bedrock so‘rovini yaratish.

Mashg‘ulot “EPAM Systems” kompaniyasining injiniring bo‘yicha menejeri Aleks Kulagin tomonidan olib boriladi. Vorkshop 23-noyabr kuni “DiHunter” markazida bo‘lib o‘tadi, boshlanish vaqti — 11:00.

Vorkshopga ro‘yxatdan o‘tish uchun havola bo‘yicha elektron pochta manzilini qoldirish talab qilinadi.

Shuningdek, ishtirokchilar o‘zlari bilan noutbuklar olib kelishlari kerak bo‘ladi.