Xotin-qizlar STEM sohasida ayollar uchun imkoniyatlar haqidagi mashg‘ulotga taklif etilmoqda. Bu haqda “IT Park” matbuot xizmati xabar berdi.
“TechWomen” va “UEnter” tomonidan amalga oshiriladigan loyiha Silikon vodiysida mentorlik, kasbiy rivojlanish va aloqalar o‘rnatishga qaratilgan.
Xususan, unda AQShda o‘tkazilgan “TechWomen 2024” tanlovida g‘alaba qozongan O‘zbekiston jamoasining a’zolari o‘zlarining muvaffaqiyatlari haqida so‘zlab berishadi.
Shuningdek, unda dasturda qanday ishtirok etish mumkinligi, jumladan, ariza topshirish jarayoni va talablari to‘g‘risida batafsil ma’lumot beriladi.
Tadbir joriy yilning 1-dekabr kuni 13:00da “UEnter” kovorking markazida o‘tkaziladi.
Unda ishtirok etish bepul bo‘lib, buning uchun havola orqali ro‘yxatdan o‘tish talab etiladi.
Hozirda 2025-yilda AQShda o‘tkaziladigan “TechWomen” dasturiga arizalar qabul qilinmoqda. Joriy yilgi dasturda O‘zbekiston jamoasi ota-onalarning autizm spektri buzilishi to‘g‘risida xabardorligini oshirishga qaratilgan “Bolajonim” loyihasi bilan ishtirok etgan.
